«Ludzi pavinny adčuvać siabie ŭ biaśpiecy ŭ luby čas sutak». Łukašenka ŭpeŭnieny, što takoje adčuvańnie źjaŭlajecca pry nazirańni ŭzbrojenych siłavikoŭ
Łukašenka na pašyranaj naradzie z kiraŭnictvam dziaržaŭnych orhanaŭ sistemy zabieśpiačeńnia nacyjanalnaj biaśpieki zapatrabavaŭ, kab milicejskija patruli chadzili pa vulicach sa zbrojaj.
«Nastupnaja zadača ŭsim pravaachoŭnym orhanam, u pieršuju čarhu MUS i MNS. Ludzi pavinny adčuvać siabie ŭ biaśpiecy doma, na pracy, na vulicy ŭ luby čas sutak. Papiaredžvaju Ministerstva ŭnutranych spraŭ, KDB, śpiecsłužby, kaho zaŭhodna, prakuraturu treba ŭziać na kantrol. Papiaredžvać. Na vulicach pavinny być našy chłopcy, patruli», — skazaŭ Łukašenka.
Ale kali raniej hetyja patruli nibyta chadzili «z hołymi rukami», to ciapier ich treba ŭzbroić.
«A ciapier patruli pavinny być uzbrojenyja strałkovaj zbrojaj, jak minimum pistaletami. I heta pavinny viedać usie. I jany pavinny chadzić spakojna pa vulicach. Harantyja — nijakich złačynstvaŭ u hetym rajonie nie budzie», — upeŭnieny Łukašenka.
Hetaje pytańnie Łukašenka daručyŭ uziać na kantrol MUS, KDB, śpiecsłužbam i prakuratury.
Pry hetym, na jaho dumku, uzrovień złačynnaści pa krainie źnižajecca: maŭlaŭ, źmienšyłasia kolkaść ciažkich i asabliva ciažkich supraćpraŭnych dziejańniaŭ. U toj ža čas «adznačajecca niehatyŭnaja tendencyja: raście kolkaść machlarstvaŭ, vymahalnictvaŭ i kibierzłačynstvaŭ».
Nu i, viadoma, nichto nie źbirajecca spyniać katok palityčnych represij:
«Jak mnie dakładvajuć, pryniatyja dadatkovyja miery pa apieratyŭnym raskryćci złačynstvaŭ ekstremisckaj skiravanaści. Siońnia heta najvažniejšy aśpiekt padtrymańnia pravaparadku: spynieńnie dziejańniaŭ admarozkaŭ i prafiłaktyka abłudnych, jakija jašče nie da kanca razumiejuć, na što ich nacelvajuć zamiežnyja kuratary».
Čytajcie taksama:
Łukašenka prakamientavaŭ źliŭ pra vakcynu dla «Pieršaha»
Łukašenka zajaviŭ, što Varšava viarbuje čynoŭnikaŭ na zamienu Łatušku
Łukašenka: My pavinny być hatovyja da vajny i mientalna, i stratehična
-
Premjer Litvy: Kali vypadki z šarami paŭtoracca — my zakryjem pamiežnyja punkty ź Biełaruśsiu
-
Na «Kurhanie Słavy» padčas respublikanskaha subotnika zakładuć park u vyhladzie kryłaŭ busła
-
«U nas jość płan, jak stać nastupnaj Finlandyjaj Uschodniaj Jeŭropy». Siarhiej Cichanoŭski vystupiŭ u Jeŭraparłamiencie
Ciapier čytajuć
«U nas jość płan, jak stać nastupnaj Finlandyjaj Uschodniaj Jeŭropy». Siarhiej Cichanoŭski vystupiŭ u Jeŭraparłamiencie31
Kamientary
A u łukašienko - vsio naoborot, vsio navyvorot !
On čustvujet strach vidia normalnych ludiej i obrietajet pokoj, othoraživajaś, ot normalnych ludiej i biełarusov, lud́mi? v vojennoj formie....