«Pucin, naviadzi paradak». Polski fiermier pryjechaŭ pratestavać na miažu z takoj prośbaj
Polskija fiermiery hetymi dniami ładziać pratesty na miažy z Ukrainaj. Jany pierakryli ruch hruzavikoŭ na šaści ź dzieviaci prapusknych punktaŭ, nie prapuskajučy nie tolki hruzavy, ale i pasažyrski transpart. Padobnyja akcyi robiacca i na inšych miežach, u tym liku z Čechijaj. Pry hetym siarod pratestoŭcaŭ jość i asoby, što adkrytym tekstam vykazvajucca ŭ padtrymku Pucina i zaklikajuć jaho pamahčy.
«Pucin, naviadzi paradak z Ukrainaj i Brusielem, a taksama z našymi pravicielami», — tak pierakładajecca łozunh, prylepleny da adnaho sa sta fiermierskich traktaroŭ u Hažyčkach, što niedaloka ad češskaj miažy.
Heta vyklikała ŭ Polščy skandał, pakolki i ŭłady, i hramadstva ŭ hetaj krainie stajać u cełym na antyrasijskich pazicyjach i vystupajuć u padtrymku Ukrainy.
Arhanizatary pratestu rašuča adchryścilisia ad hetaha łozunha. Jany raskazali karespandentu vydańnia Gazeta Wyborcza, što ŭdzielniki padbirajuć baniery dla mierapryjemstva indyvidualna, a sami jany nie tolki nie majuć ničoha suprać Ukrainy, ale jakraz naadvarot.
«My trymajem za ich kułaki ŭ vajnie, tamu što viedajem, što kali jany prajhrajuć, to ŭ nas na miažy apyniecca Rasija», — skazaŭ adzin z udzielnikaŭ pratestu.
Paviedamlajuć, što fiermiera ŭžo zatrymali, jamu vystavili dva abvinavačańni: za raspalvańnie i ŭschvaleńnie ahresiŭnaj vajny i prapahandu tatalitaryzmu.
Ciapier čytajuć
Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy13
Płača, ale jedzie ŭ Kieniju ŭśled za mužam: łukašenkaŭski puł zastaŭsia biez addanaj supracoŭnicy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary