U QIWI Banka adklikali licenziju ŭ Rasii. Ci budzie pracavać servis płaciažoŭ u Biełarusi
Centrabank Rasii 21 lutaha adklikaŭ licenziju ŭ QIWI Banka. Siarod nazvanych pryčyn — parušeńni patrabavańniaŭ u halinie procidziejańnia lehalizacyi atrymanych złačynnym šlacham dachodaŭ, a taksama finansavańnie teraryzmu, piša Office Life.
Pa acency rasijskaha rehulatara, praca QIWI Banka «charaktaryzavałasia ŭciahnutaściu ŭ vysokaryzykoŭnyja apieracyi»: raźliki pamiž fizičnymi asobami i cieniavym biźniesam, pravodzilisia pieravody na karyść kryptaabmieńnikaŭ, nielehalnych anłajn-kazino, bukmiekierskich kantor.
Jak tolki heta tłumačeńnie było apublikavana, kampanija zabłakavała papaŭnieńnie kašalkoŭ i vyvad ź ich srodkaŭ.
U Biełarusi kampanija «OSMP BIEŁ», jakaja zjaŭlajecca apierataram płaciažoŭ servisu QIWI, adkazvaje, što «nikomu ničoha nie błakuje», ale «kali ŭ vas jość abmiežavańni, to heta — z boku QIWI Banka». Klijentam prapanujuć sačyć za aficyjnaj infarmacyjaj, jakaja budzie raźmieščana na sajcie.
U Nacyjanalnym banku z nahody prablem z servisam QIWI ŭ Biełarusi paraili źviartacca ŭ Bank Rasii, piša Office Life.
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary