Supracoŭnik ambasady Biełarusi ŭ Kišyniovie abvieščany piersonaj non hrata. Pra heta paviedamiła vydańnie IPN sa spasyłkaj na svaje krynicy, ale aficyjnaha paćviardžeńnia pakul niama.
Supracoŭnik pasolstva Biełarusi ŭ Małdovie byŭ abvieščany piersonaj non hrata ŭładami Kišyniova, paviedamili krynicy IPN, adnak nijakaj aficyjnaj zajavy z boku ŭładaŭ nie było.
U Ministerstvie zamiežnych spraŭ vydańniu nie paćvierdzili i nie abvierhli infarmacyju.
Jakija pryčyny lehli ŭ asnovu rašeńnia, nie paviedamlajecca.
Nahadajem, raniej vydańnie Reform.news vyśvietliła, što ŭ ambasadzie Biełarusi ŭ Małdovie pracuje štatny aficer KDB Uładzimir Zubkoŭ. Ci vysyłajuć mienavita hetaha supracoŭnika — nieviadoma.
Infarmacyja pra departacyju źjaviłasia paśla taho, jak stała viadoma pra vykrytuju ŭ Jeŭropie biełaruskuju špijonskuju sietku. Były namieśnik kiraŭnika Słužby infarmacyi i biaśpieki Respubliki Małdova (SIS) Alaksandru Bałan byŭ zatrymany ŭ Rumynii za pracu na KDB Biełarusi.
Polšča taksama aryštavała biełaruskaha špijona i vysłała biełaruskaha dypłamata, jaki «padtrymlivaŭ ahresiŭnyja dziejańni biełaruskaha ŭrada suprać Polščy», paviedamiŭ premjer-ministr Donald Tusk, nie padajučy inšych padrabiaznaściaŭ.
Taksama Ministerstva zamiežnych spraŭ Čechii paviedamiła ŭ paniadziełak pra departacyju biełaruskaha dypłamata, jaki padazrajecca ŭ špijanažy.
Kamientary