U Minsku mužčyna ŭ aŭtobusie ŭdaryŭ padletkaŭ, jany adkazali elektrašokieram
Incydent adbyŭsia niejak viečaram u aŭtobusie №121. Mužčyna, jaki znachodziŭsia ŭ stanie ałkaholnaha apjanieńnia, napaŭ na dvuch padletkaŭ 2011 i 2012 hoda naradžeńnia, jakija prosta razmaŭlali pamiž saboj i hladzieli ŭ smartfony, paviedamlajuć Minsk-naviny.
Spačatku jon udaryŭ adnaho chłopčyka pa plačy, zatym druhoha — pa hałavie.
Školniki nie stali ciarpieć ahresiju: adzin ź ich dastaŭ elektrašokier, prykłaŭ da šyi napadnika i vypuściŭ razrad. Pamiž pasažyram i dziećmi zaviazałasia bojka. U vyniku za chłopcaŭ ustupiłasia žančyna, a kiroŭca vyklikaŭ milicyju. Bojka trapiła na kamieru nazirańnia ŭ sałonie.
Vyśvietliłasia, što zatrymany — dyrektar pryvatnaj kampanii. Raniej jon užo trojčy pryciahvaŭsia da kryminalnaj adkaznaści za chulihanstva. Ciapier jamu vystaŭlena abvinavačańnie pa č. 1 art. 339 Kryminalnaha kodeksa. Mužčyna vinu pryznaŭ i, pavodle miedycynskaha zaklučeńnia, maje patrebu ŭ lačeńni ad chraničnaha ałkahalizmu.
Ciapier da abvinavačanaha prymieniena miera strymańnia ŭ vyhladzie padpiski ab niavyjeździe.
Kamientary