Stali viadomyja padrabiaznaści pra zatrymańnie biełaruskaha špijona ŭ Polščy
Ahientstva ŭnutranaj biaśpieki Polščy paviedamiła, što 9 vieraśnia jaho supracoŭniki zatrymali hramadzianina Biełarusi Uładzisłava N., jaki zajmaŭsia raźviedvalnaj dziejnaściu na terytoryi Polščy i Vienhryi. Zatrymańnie, jak śćviardžajecca stała vynikam doŭhaj apieracyi, jakuju polskaja śpiecsłužba pravodziła sumiesna sa śpiecsłužbami Čechii, Vienhryi, Rumynii i Małdovy.
10 vieraśnia prakuratura vystaviła Uładzisłavu N. abvinavačvańnie pa artykule 130 §1 Kryminalnaha kodeksu Polščy — udzieł u dziejnaści zamiežnaj raźviedki suprać Respubliki Polšča. Taksama Varšaŭski rajonny sud pryniaŭ rašeńnie ab časovym aryšcie mužčyny na 3 miesiacy.
Rasśledavańnie viadziecca pad kiraŭnictvam Mazavieckaha adździeła Departamienta pa baraćbie z arhanizavanaj złačynnaściu i karupcyjaj Nacyjanalnaj prakuratury.
Taksama 9 vieraśnia na prośbu kiraŭnika Ahienctva ŭnutranaj biaśpieki Ministerstva zamiežnych spraŭ Polščy adklikała akredytacyju adnaho z dypłamataŭ pasolstva Biełarusi ŭ Varšavie i paprasiła jaho pakinuć krainu. Dypłamat, jak śćviardžajecca, mieŭ dačynieńnie da raźviedvalnaj dziejnaści na polskaj terytoryi. Padkreślivajecca, što adklikańnie akredytacyi niepasredna źviazanaje z zatrymańniem hramadzianina Biełarusi.
U Polščy zatrymali biełaruskaha špijona i vysyłajuć adnaho z dypłamataŭ
Stała viadoma imia biełaruskaha dypłamata ŭ Čechii, jaki moh mieć dačynieńnie da špijonskaj sietki
U vykrytuju ŭ Jeŭropie špijonskuju sietku ŭvachodziŭ taksist-biełarus z Polščy
Małdova vysyłaje supracoŭnika biełaruskaha pasolstva
U Jeŭropie vykryli biełaruskuju špijonskuju sietku. Aryštavali byłoha kiraŭnika małdaŭskaj kontrraźviedki
Stała viadoma imia byłoha małdaŭskaha śpiecsłužbista, jakoha zatrymali za špijanaž na karyść Biełarusi
Kamientary