Prezident Zimbabve doŭha nie moh zavieści traktar ad Łukašenki VIDEA
Zimbabvijskija ŚMI apublikavali videa, na jakim 81-hadovy prezident Zimbabve Emiersan Mnanhahva amal dźvie chviliny sprabuje zavieści novy traktar «Biełarus», ale jamu heta nijak nie ŭdajecca.
Prykry dla zimbabvijskaha lidara vypadak adbyŭsia, jak paviedamlajecca, 21 lutaha padčas śviatkavańnia Nacyjanalnaha dnia moładzi. Mnanhahva ŭ chodzie ŭračystaściaŭ pieradaŭ biełaruski traktar u padarunak maładziožnamu prafiesijna-techničnamu navučalnamu centru i sam sieŭ za rul, ale trapiŭ u kanfuz: traktar nie chacieŭ zavodzicca.
Na videa bačna, jak vakoł traktara, za rulom jakoha siadzić Emiersan Mnanhahva, biehajuć jahonyja pamočniki, jakija starajucca vyśvietlić pryčynu niaspraŭnaści i dapamahčy prezidentu ŭsio ž taki pajechać. Praciahvajecca heta kala dvuch chvilin, paśla videa adklučajecca i ŭklučajecca znoŭ u momant, kali traktar usio ž taki zavodzicca.
Vydańnie The Mirror, vidavočna apazicyjnaje da ŭłady, kamientuje situacyju słovami, što
«Zimbabve źjaŭlajecca miescam zvałki niajakasnaj pradukcyi ź Biełarusi, prezident jakoj Alaksandr Łukašenka i niekalki asobaŭ, jak miarkujecca, źjaŭlajucca najbujniejšymi bienieficyjarami ćmianych pahadnieńniaŭ pamiž dźviuma krainami».
Taksama pry nahodzie nahadvajecca, što ŭ 2022 hodzie biełaruski biznesmien Alaksandr Zinhman, blizki da Emiersana Mnanhahvy, atrymaŭ ździełku na 62 miljony dołaraŭ ZŠA na pastaŭku miascovym uładam pažarnych mašyn. Paśla z hetaha razhareŭsia karupcyjny skandał.
Łukašenka aktyŭna prasoŭvaje Biełaruś na afrykanskim kantyniencie. Ale ci zacikaŭlena Afryka ŭ Biełarusi? Tłumačyć ekanamist
Paśla śmierci Pryhožyna Zinhman sprabuje pierachapić achoŭnyja kantrakty «Vahniera» — krynicy
U Zimbabve admovilisia ad zakupu pažarnych mašyn u Biełarusi
Skandał z pažarnymi mašynami ź Biełarusi razrastajecca: parłamient Zimbabve choča pryznać ździełku niesapraŭdnaj
U Zimbabve razhareŭsia karupcyjny skandał vakoł zakupki biełaruskich pažarnych mašyn
Ciapier čytajuć
Praca fizičnaha ofisa Cichanoŭskaj u Vilni časova prypyniena36
Kamientary
Tam pimpočka śpiecialnaja jesť na tnvd.
U nich tožie priezidient viezdie leziet, hdie ničieho nie ponimajet.