Ciapier aficyjna. Stała viadoma, z čaho składajecca biełaruskaja častka novaha pakieta sankcyj ES suprać Rasii
Poŭny śpis arhanizacyj i fizičnych asob, uklučanych u 13-y sankcyjny pakiet Jeŭrasajuza, apublikavany ŭ aficyjnym časopisie ES. U jaho taksama trapili biełaruskija pradpryjemstvy i niekatoryja asoby.
Ź biełarusaŭ u sankcyjny śpis uvajšli:
- AAT «Pielenh»;
- 2566-y zavod pa ramoncie radyjoelektronnaha ŭzbrajeńnia i jaho dyrektar Valeryj Šaciła;
- Aršanski avijaramontny zavod i jaho hiendyrektar Pavieł Słučak;
- hienieralny sakratar Biełaruskaha tavarystva Čyrvonaha Kryža Dźmitryj Šaŭcoŭ;
- Alaksiej Tałaj i jahony dabračynny fond;
- Dźmitryj Dziamidaŭ, staršynia Navapołackaha rajvykankama;
- niedziaržaŭnaja arhanizacyja «Delfiny» i jaje zasnavalnica Volha Vołkava;
- hramadzianin Biełarusi Siarhiej Astafuraŭ, dyrektar rasijskaj kampanii «NTC Pramtechaera»;
- uradženiec Biełarusi Vasil Šupranaŭ, hiendyrektar Nižaharodskaha mašynabudaŭničaha zavoda.
Usiaho pod sankcyi trapili 106 fizičnych i 88 jurydyčnych asob. Z rasijskaha boku heta hubiernatary Tulskaj, Pienzienskaj, Razanskaj, Biełharadskaj abłaściej, hubiernatarka Chanty-Mansijskaj aŭtanomnaj akruhi, načalnik centra bieśpiłotnaj avijacyi Minabarony RF, Klimaŭski patronny zavod, Novasibirski zavod štučnaha vałakna, arhanizacyja dziaciej i moładzi «Ruch Pieršych», upaŭnavažanaja pa pravach dziciaci ŭ akupavanym Krymie i inšyja.
Taksama ŭ sankcyjnym śpisie — Hienieralnaje rakietnaje ŭpraŭleńnie KNDR, a taksama ministr abarony hetaj krainy Kan Sun Nam.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary