Dziaržduma RF pryniała zakon ab zabaronie raźmiaščać rekłamu ŭ «zamiežnych ahientaŭ»
Dziaržduma RF pryniała zakon ab poŭnaj zabaronie rekłamy na ŭsich infarmacyjnych resursach zamiežnych ahientaŭ, a taksama rekłamy takich resursaŭ.
Hetaja zabarona tyčycca lubych płatformaŭ, a parušeńnie budzie karacca štrafam i pazbaŭleńniem voli da dvuch hadoŭ.
«Nielha hanić krainu za hrošy z-za miažy i źbirać tut srodki ad rekłamy», — tak prakamientavaŭ zakon śpikier Dziarždumy Viačasłaŭ Vałodzin.
U śpisach zamiežnych ahientaŭ u Rasii — niekamiercyjnyja arhanizacyi, ŚMI, a taksama fizičnyja asoby, naprykład, viadomy błohier Juryj Dudź ci piśmieńniki Barys Akunin, Dźmitryj Bykaŭ, Dźmitryj Hłuchoŭski i inšyja.
Žurnalistka Kaciaryna Hardziejeva ŭžo abviaściła, što prypyniaje svoj prajekt «Skaži Hordiejevoj». «Ciapier rekłama ŭ nas — złačynstva. Ciažka pavieryć, što chtości vyrašyć ździejśnić jaho z vysakarodnych pamknieńniaŭ, ryzykujučy biznesam, saboj, blizkimi», — napisała Hardziejeva. Miniust abviaściŭ žurnalistku «zamiežnym ahientam» u 2022 hodzie.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary