Ekanomika55

Jak źmianiłasia prapusknaja zdolnaść na miažy ź Litvoj paśla zakryćcia dvuch punktaŭ propusku

Anansavałasia, što afarmlać kiroŭcaŭ buduć chutčej.

Ilustracyjny zdymak. Fota: «Naša Niva»

Na miažy ź Litvoj ad 1 sakavika funkcyjanujuć tolki dva punkty propusku: «Šalčaninkaj — Bieniakoni» i «Miadzininkaj — Kamienny Łoh».

Kali litoŭski bok anansavaŭ prapanovu ab zakryćci dvuch punktaŭ propusku na miažy ź Biełaruśsiu, ministr zamiežnych spraŭ Ahnie Biłatajte kazała, što heta dazvolić bolš efiektyŭna vykarystoŭvać KPP «Miadzininkaj» («Kamienny Łoh»).

Biełaruski bok u svaju čarhu zajaviŭ, što pieranakiruje supracoŭnikaŭ i techničnyja srodki mytnaha kantrolu z zakrytych punktaŭ propusku na tyja, što zastanucca, kab źmienšyć čas afarmleńnia.

Ale, jak pakazvaje statystyka Pahrankamiteta Biełarusi, u dvuch punktach propusku, što zastalisia pracavać, kolkaść aformlenych za sutki transpartnych srodkaŭ nie pavialičyłasia.

Tak, naprykład, za apošnija sutki praz «Kamienny Łoh» prajechała 87 hruzavikoŭ, a praz «Bieniakoni» — 151. Padobnyja ličby DPK nazyvaŭ i 1 sakavika — 75 i 123 hruzaviki adpaviedna. Pa stanie na 29 lutaha ličby byli takija — 90 hruzavikoŭ u «Kamiennym Łozie» i 152 u «Bieniakoniach».

Abstanoŭka na miežach ź ES. 29.02.2024/04.03.2024. Hruzavy transpart. Infahrafika: DPK RB.

Niahledziačy na ścipłyja pakazčyki, «Kamienny Łoh» («Miadzininkaj» ź litoŭskaha boku) maje samuju vysokuju prapusknuju zdolnaść siarod usich punktaŭ propusku (u tym liku zakrytych) na biełaruska-litoŭskaj miažy. Za sutki praź jaho mohuć prajechać 500 hruzavikoŭ i 600 lehkavikoŭ. Ale, jak bačna, realnyja ličby kudy bolš ścipłyja. Navat kali paraŭnoŭvać jaho ź mienšymi «Bieniakoniami». 

Jak źmianilisia čerhi z 1 sakavika?

Pa stanie na 14 hadzin 4 sakavika, vyjezdu ź Biełarusi ŭ «Kamiennym Łozie» čakajuć bolš za 810 hruzavikoŭ. U «Bieniakoniach» — bolš za 660.

Tydzień tamu (26.02.2024), kali na miažy ź Litvoj pracavali čatyry punkty propusku, situacyja z čerhami hruzavikoŭ vyhladała tak: «Kamienny Łoh» — kala 300 vialikahruzaŭ, «Bieniakoni» — kala 230.

Jašče tydniem raniej (19.02.2024), vyjezdu ź Biełarusi čakali kala 230 hruzavikoŭ u «Kamienym Łozie» i kala 200 u «Bieniakoniach».

Što na inšych kirunkach?

Vialikija čerhi z hruzavikoŭ taksama nazirajucca na miažy z Łatvijaj. Vyjezdu ź Biełarusi čakajuć bolš za 400 vialikahruzaŭ. Na miažy z Polščaj — 120.

Ilustracyjny dymak. Fota: «Naša Niva»

Siarod lehkavoha transpartu najbolšaja čarha ŭ punkcie propusku «Brest» — bolš za 240 lehkavikoŭ. Na litoŭskim kirunku — bolš za 20 u «Kamiennym łozie» i bolš za 70 u «Bieniakoniach».

Na miažy z Łatvijaj čarhi ź lehkavikoŭ pa stanie na 14 hadzin 4 sakavika niama.

Kali hladzieć na ahulnyja ličby, to najbolšuju kolkaść mašyn afarmlajuć na polskim kirunku. Praz «Kazłovičy» za apošnija sutki prajechała 827 vialikahruzaŭ, a praz «Brest» — 720 lehkavych aŭto. Praz dva punkty propusku na miažy ź Litvoj i adzin na miažy z Łatvijaj za apošnija sutki ahułam prajechała 352 hruzavyja aŭto i 753 lehkaviki.

Čytajcie taksama:

Jak ciapier dabracca z Hrodna ŭ Druskieniki na maršrutcy

«Mnohija spadziajucca na chutkaje adkryćcio «Bruzhoŭ». Što kažuć hrodziency pra žyćcio ŭ «abłozie»

Kamientary5

  • Usio jašče napieradzie
    04.03.2024
    Vielmi niečakanaja navina)))
  • Žora
    04.03.2024
    Dziakuj siabram ź Letuvy za izalacyju nas u fašystoŭskim kancłahiery! (kažu pra lehkaviki i ruch ludziej). Pryjdzie čas - vierniecca vam usio ŭ kratnym pamiery, karma jana takaja.
  • Camotny vandroŭnik
    05.03.2024
    Žora,  I kali heta adbudziecca? Łukašenka ž źbirajecca pravić viečna!  Ja pra toje, što niekali, niechta, pisaŭ -- budziem raźbiracca za śmierć Hančara, Krasoŭskaha, Zacharanki, Zavadskaha... Minuła, možna skazać, 30 hadoŭ... I razabralisia? A tam byli jašče zahadkavyja śmierci mera Maładečna Karpienki, žurnalista Majsieni... Pra ich ŭžo nichto i nie zhadvaje! 

Ciapier čytajuć

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»11

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Usie naviny →
Usie naviny

«Razabrali budaŭničyja aharodžy za noč»: minčanie 20 hadoŭ zmahajucca za mini-park suprać AZS2

Pieršaje vydańnie «Chobita» pradali za rekordnyja hrošy

75-hadovy dziadula ŭ Miadzielskim rajonie adpraviŭsia na rovary ŭ 30-kiłamietrovy pachod i prapaŭ5

Startap biełarusaŭ, jaki pracuje na Halivud, trapiŭ na ekrany Tajms-skvier1

Mikołu Statkieviču siońnia spoŭniłasia 69 hadoŭ1

Milinkievič: Kali pahladzieć na vopyt inšych krain, najbolšy pośpiech byŭ tam, dzie ŭdałosia sprahnazavać i realizavać dyjałoh27

Kryšcijanu Ranałdu zrabiŭ prapanovu Džardžynie Radryhies3

Tramp nakiravaŭ Nacyjanalnuju hvardyju ŭ Vašynhton i zapatrabavaŭ ad biazdomnych pakinuć horad3

Pačyrvaniełaje sonca i elektryčnyja kalosy — čym jašče pužała ludziej pryroda na Biełarusi čatyrysta hadoŭ tamu?2

bolš čytanych navin
bolš łajkanych navin

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»11

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Hałoŭnaje
Usie naviny →

Zaŭvaha:

 

 

 

 

Zakryć Paviedamić