Apielacyjny sud u Sierbii admianiŭ rašeńnie ab ekstradycyi režysiora Andreja Hniota. Ale rassłablacca rana
Rašeńnie Vysokaha suda ab ekstradycyi biełaruskaha režysiora Andreja Hniota ŭ Biełaruś admieniena apielacyjnaj instancyjaj u Sierbii, piša Deutsche Welle. Svajo rašeńnie Apielacyjny sud u Białhradzie patłumačyŭ tym, što nie ŭsie akaličnaści, na padstavie jakich było vyniesienaje rašeńnie ab ekstradycyi, byli daśledavanyja. Akramia taho, Hniotu nie dali słova padčas pieršaha pracesu.
Pry hetym sud praciahnuŭ termin utrymańnia Andreja pad vartaj jašče na 60 dzion. Novaje słuchańnie pa spravie pryznačana na 26 sakavika.
Jak patłumačyła vydańniu daradca Śviatłany Cichanoŭskaj pa pravavych pytańniach Kryścina Rychter, Apielacyjny sud admianiŭ rašeńnie suda pieršaj instancyi, adnak nie admianiŭ samu ekstradycyju, nakiravaŭšy spravu na novy razhlad.
«Treba ŭličvać, što raniej Kamisija pa fajłach Interpała zabłakavała dostup da danych Andreja Hniota. Tamu ja spadziajusia, što sud pieršaj instancyi prymie rašeńnie nie ekstradavać jaho ŭ Biełaruś, i Hniota chutka adpuściać», — adznačyła Rychter.
Pavodle jaje słoŭ, heta zvyčajny jurydyčny praces, choć, viadoma, vielmi chvaluje toje, što jašče jak minimum 2 tydni režysioru daviadziecca pravieści ŭ turmie ŭ Białhradzie.
Andrej Hniot — biełaruski žurnalist, režysior i palityčny aktyvist. Jaho nazyvajuć suzasnavalnikam «Svabodnaha abjadnańnia spartoŭcaŭ SOS BY», pryznanym u Biełarusi «ekstremisckim farmiravańniem».
Čytajcie taksama:
-
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
-
«Polšča ŭžo nie taja». Biełarusy, jakija doŭha nie jeździli na zakupy, ździvilisia cenam i novym praviłam
-
Minskija ŭłady raskazali pra vyniki ŭčarašniaha patopu na zavułku Čarviakova
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna5
Kamientary