Śviet

Jak projduć prezidenckija vybary? Žurnalisty daviedalisia viersiju Kramla

Što ŭ administracyi prezidenta RF dumajuć pra «Poŭdzień suprać Pucina»? Kolki pracentaŭ «namalujuć» Pucinu? A kolki nabiare Davankoŭ? Piša «Mieduza».

 Fota: AP 

U Kramli ličać, što niahledziačy na ​​śmierć Alaksieja Navalnaha i vajnu, pieradvybarnaja kampanija «prajšła bolš-mienš roŭna». 

Pa zadumcy Kramla, na hetych vybarach (jany projduć 15-17 sakavika) Uładzimir Pucin pavinien prademanstravać «rekordnyja vyniki» — i nabrać bolš za 80%. Padčas papiaredniaha hałasavańnia ŭ 2018 hodzie Pucin, pavodle aficyjnych źviestak, atrymaŭ 76,69% ​​hałasoŭ. 

Pavodle acenki krynic, blizkich da AP, druhoje miesca moža zaniać Uładzisłaŭ Davankoŭ — kandydat ad partyi «Novyja ludzi», za jakoha paśla źniaćcia Barysa Nadzieždzina i Kaciaryny Duncovaj zaklikajuć hałasavać mnohija rasijskija apazicyjaniery. 

Surazmoŭcy «Mieduzy», blizkija da Kramla, padkreślili: u AP byli «niekatoryja aściarohi», što Davankoŭ moža «pryciahnuć na siabie dadatkovy [pratesny elektarat]», — ale ŭ vyniku ŭsio skłałasia ščasna dla prezidenckaj administracyi i kandydat «nie staŭ vychodzić za ściažki». 

Pavodle acenki krynic «Mieduzy», rejtynh Davankova «nie vyklikaje aściaroh» u Kramla: VCIOM daje jamu 6%, a Russian Field — 7,4%. U AP upeŭnienyja, što vynikovyja pakazčyki kandydata naŭrad ci buduć surjozna adroźnivacca ad hetych ličbaŭ, — i hety scenar całkam zadavalniaje Kreml. 

Blizki znajomy Davankova, jaki parazmaŭlaŭ z «Mieduzaj» na ŭmovach ananimnaści, adznačyŭ: pavodle ŭnutranych źviestak pieradvybarčaha štaba palityka, jon sapraŭdy pavinien zaniać druhoje miesca, adnak tam aścierahajucca, što na ŭčastkach vybarščyki mohuć prosta nie ŭzhadać proźvišča kandydata, małaviadomaha da pačatku kampanii. 

Pieršapačatkova ŭ Kramli chacieli, kab druhoje miesca zaniaŭ lidar ŁDPR Leanid Słucki: va ŭnutrypalityčnym błoku AP daŭno spadziajucca, što hetaja partyja pazbavić KPRF niefarmalnaha statusu «druhoj u krainie».

Druhoje miesca vielmi chacieŭ i sam Słucki — jamu jano nieabchodna, kab umacavać ułasnyja pazicyi ŭ partyi. Adnak, niahledziačy na ​​ŭsie namahańni štaba Słuckaha, jaki pazicyjanuje kandydata jak paŭnavartasnaha spadčyńnika Uładzimira Žyrynoŭskaha, rejtynh kandydata tak i nie vyras: pa danych VCIOM na 8 lutaha rejtynh Słuckaha składaŭ 4%, na siaredzinu lutaha — 2%, na pačatak sakavika — 3%. 

Kali vieryć vynikam apytańnia Russian Field, trecim stanie kandydat ad KPRF Mikałaj Charytonaŭ. Kampaniju samoha Charytonava ŭ AP aceńvajuć jak «vielmi mlavuju» — za apošnija miesiacy pierad vybarami kandydat zapomniŭsia tolki vielmi dziŭnymi intervju i jašče bolš dziŭnymi pieradvybarnymi rolikami. 

Što ŭ Kramli dumajuć pra akcyju «Poŭdzień suprać Pucina»? I ci čakajuć pratestaŭ z-za zabojstva Navalnaha?

Śmierć Alaksieja Navalnaha ŭ AP uspryniali jak «niehatyŭny i niepryjemny faktar» dla pieradvybarnaj kampanii. Šmattysiačnyja čerhi na pachavańnie i šmatdzionnaje ŭskładańnie kvietak na mahiłu palityka krynicy «Mieduzy» ź liku «rasijskich elit» nazvali «niepaźbiežnym złom». Pry hetym u Kramli ŭpeŭnienyja, što značnaha ŭpłyvu na chod vybaraŭ usio heta nie akaža: adzin z surazmoŭcaŭ «Mieduzy», blizkich da AP, spasyłajučysia na apytańnie «Levada-Centra», ukazaŭ, što «niehatyŭnyja emocyi» z-za śmierci Navalnaha źviedała mienš za 20% rasijan. 

Jak zapeŭnivajuć krynicy «Mieduzy», akcyju apazicyjanieraŭ «Poŭdzień suprać Pucina» ŭ Kramli taksama nie ličać surjoznaj prablemaj — i maštabnych pratesnych vystupaŭ pa jaje vynikach nie čakajuć.

«Napeŭna, na niejkich učastkach u Maskvie ci inšym horadzie-miljońniku niešta zaŭvažnaje budzie. Ale pa Rasii ŭ cełym — nie. I znoŭ ža — kahości ździvić, što ŭ bujnych haradach jość niejkija sotni ci navat tysiačy apazicyjanieraŭ na ŭvieś miljonny horad? Nie, nie ździvić», — padkreśliŭ adzin z surazmoŭcaŭ. 

U Kramli ŭpeŭnienyja, što na hałoŭny dla AP vynik vybaraŭ — pracent za Pucina — akcyja prykmietnaha ŭpłyvu nie akaža. Pa zadumie prezidenckaj administracyi, usie namahańni apazicyi pierakryje mabilizacyja biudžetnikaŭ i supracoŭnikaŭ bujnych kampanij, blizkich da dziaržavy, a taksama šmatdzionnaje i dystancyjnaje hałasavańnie (jaho vyniki lohka sfalsifikavać i praktyčna niemahčyma pravieryć).

Palittechnołah, jaki pracuje z AP, u razmovie z «Mieduzaj» acharaktaryzavaŭ minułuju kampaniju jak «dobra aformlenuju simulacyju» — jakaja, na jaho dumku, pryviadzie da vynikaŭ hałasavańnia, jakija prykładna «adpaviadajuć ahulnamu nastroju rasijan».

Kamientary

Ciapier čytajuć

«Škada, što ludzi mianie ličać takim idyjotam». Dziadok raskazaŭ, jak jaho zmahli vysačyć paśla piaci miesiacaŭ padpolla1

«Škada, što ludzi mianie ličać takim idyjotam». Dziadok raskazaŭ, jak jaho zmahli vysačyć paśla piaci miesiacaŭ padpolla

Usie naviny →
Usie naviny

Na vystavie ŭ Lvovie pakazali vializny padvodny dron FOTAFAKT3

Jakija jeŭrapiejskija stalicy najbolš niebiaśpiečnyja?10

Kitaj vypraboŭvaje maršrut u Jeŭropu praz Arktyku. Biełarusam zastajecca ŭzdychnuć13

U Litvie zatrymali bolš za 50 ton napaŭnialnika dla kacinych tualetaŭ. Hruz pryznačaŭsia dla Biełarusi7

U Cichanoŭskaj źjaviŭsia novy daradca pa adukacyi i navucy1

Były palitviazień Hienadź Fiadynič raskazaŭ, čamu admoviŭsia za kratami ad apieracyi

Vizavy centr Italii pasprabavaŭ pracavać pa žyvoj čarzie. Pratrymaŭsia dzień3

Ekanamistka Łuzhina: Za miežami Biełarusi akazałasia nie mienš za 400 tysiač biełarusaŭ3

«Interbačańnie»: jak projdzie rasijskaja alternatyva «Jeŭrabačańniu»2

bolš čytanych navin
bolš łajkanych navin

«Škada, što ludzi mianie ličać takim idyjotam». Dziadok raskazaŭ, jak jaho zmahli vysačyć paśla piaci miesiacaŭ padpolla1

«Škada, što ludzi mianie ličać takim idyjotam». Dziadok raskazaŭ, jak jaho zmahli vysačyć paśla piaci miesiacaŭ padpolla

Hałoŭnaje
Usie naviny →

Zaŭvaha:

 

 

 

 

Zakryć Paviedamić