Paśla zajavy Pucina pra hatoŭnaść da jadziernaj vajny Varšava pačynaje budavać bambaschoviščy
Ułady Varšavy vydzielać 117 młn złotych (kala $30 młn) na budaŭnictva bambaschoviščaŭ i inšyja miery biaśpieki, paviedamiŭ mer polskaj stalicy Rafał Tšaskoŭski.
Pa słovach mera, budaŭnictva bambaschoviščaŭ — častka stratehii Varšavy na bližejšyja hady, nakiravanaj na «najbolš značnyja inviestycyi, jakija dazvolać padrychtavacca da luboj niepradbačanaj akaličnaści».
Ułady Varšavy pajšli na hety krok paśla taho, jak prezident Rasii Uładzimir Pucin, paviedamiŭ, što technična Rasija hatova da jadziernaj vajny. Adpaviednuju zajavu jon zrabiŭ u intervju Dźmitryju Kisialovu.
Niadaŭniaja pravierka bambaschoviščaŭ u Polščy pakazała, što mienš za čatyry pracenty nasielnictva krainy majuć dostup da chovanak u vypadku mahčymaha napadu i jany nie adpaviadajuć bazavym praviłam i techničnym charaktarystykam. U ramkach novaj prahramy «Varšava abaraniaje» bambaschoviščy płanujuć zabiaśpiečyć elektryčnaściu i vadoj.
Taksama Tšaskoŭski adznačyŭ, što balnicam dapamohuć padrychtavacca da niebiaśpieki i nadzvyčajnych situacyj.
U jakaści bambaschoviščaŭ prapanujecca, u tym liku, vykarystoŭvać padziemnyja parkoŭki i stancyi mietro. Pad hetyja mety mohuć być pieraprafilavanyja 7 miljonaŭ kvadratnych mietraŭ płoščaŭ u Varšavie, skazaŭ mer.
Kali Rasija pačała poŭnamaštabnaje ŭvarvańnie va Ukrainu ŭ 2022 hodzie, Kijeŭ vykarystaŭ padobnuju taktyku, schavaŭšy 15 000 svaich hramadzian u sistemie mietro z 52 stancyj.
Miž tym, inšyja krainy, jakija miažujuć z Ukrainaj, uzmacnili miery biaśpieki. Paśla taho, jak u Rumynii vyjavili abłomki bieśpiłotnikaŭ na svajoj terytoryi, kraina pačała budavać bambaschoviščy kala miažy z Ukrainaj.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary