U Rasii zaŭvažyli, što sanatoryj «Biełaruś» u Sočy 12 hadoŭ nie płacić za elektryčnaść
16 maja ŭ Arbitražnym sudzie Krasnadarskaha kraju budzie razhledžany pazoŭ pradpryjemstva «Sočyciepłaenierha» da sanatoryja «Biełaruś», raźmieščanaha ŭ Sočy, paviedamlaje TASS sa spasyłkaj na sajt elektronnaha sudavodstva RF. Uładalnik hetaha sanatoryja — Kiraŭnictva spraŭ Alaksandra Łukašenki.
Jak śćviardžajecca, sanatoryj z 2011 da 2023 hoda zavinavaciŭsia za elektraenierhiju 129,4 tysiač rasijskich rubloŭ. Prytym pienia za hety čas dasiahnuła 156,8 tys. rubloŭ, tamu ahulnaja suma, jakuju «Sočyciepłaenierha» choča spahnać z sanatoryja, składaje 286,2 tys. rubloŭ (kala 3,12 tys. dalaraŭ).
Sanatoryj «Biełaruś» maje try zorki, tut jość siem numaroŭ katehoryi «apartamienty», 12 — «luks», 225 — «pieršaja katehoryja».
Pobač z sanatoryjem raźmieščanaja sočynskaja rezidencyja Łukašenki, u jakoj jon spyniajecca padčas vizitaŭ u paŭdniovyja rehijony Rasii.
Kamientary