Pra raptoŭnuju śmierć biełaruskaha hrafika, dyzajniera, kalihrafa Usievałada Śvientachoŭskaha paviedamiŭ Biełaruski sajuz mastakoŭ. Jamu było 58 hadoŭ.
Usievaład Śvientachoŭski naradziŭsia ŭ Minsku. Skončyŭ Minskuju mastackuju vučelniu imia Hlebava (1986) i Biełaruskuju dziaržaŭnuju akademiju mastactvaŭ (1993). Vučyŭsia ŭ mastakoŭ Alaksieja Zinčuka, Viačasłava Siemiańko, Paŭła Siemčanki, Uładzimira Vasiuka.
Škoła Paŭła Siemčanki — vielmi viadomaja, Usievaład Śvientachoŭski byŭ jaho vučniem i pradaŭžalnikam tradycyj nastaŭnika. Sam jon na adnoj z vystaŭ zhadvaŭ:
«Jašče ŭ maładości, paśla vojska, kali ja pastupiŭ u Dziaržaŭny teatralna-mastacki instytut, to patrapiŭ na kurs da Paŭła Apanasaviča Siemčanki. Adnojčy jon prynios studentam pavialičanyja fotakopii Biblii Franciška Skaryny, i ceły siemiestr na vialikich płanšetach my vykonvali vyjavy litar, pieranosili šryft.
Praz 20 hadoŭ ja zmoh znajści ŭ majsterni hetyja pracy i zrabić ličbavy šryft. Studenty ciapier vykarystoŭvajuć šryftavyja płakaty, elektronnyja prezientacyi sa šryftami. Ličbavyja i rukapisnyja kampazicyi napisańniaŭ šryftoŭ, pradstaŭlenyja ŭ ekspazicyi, robiać hodny ŭniosak u biełaruskuju knižnuju šryftavuju kulturu».
Usievaład Śvientachoŭski pracavaŭ sa šryftami, u knižnaj hraficy, u hrafičnym dyzajnie, zachaplaŭsia kalihrafijaj. Jahonyja tvory ekspanavalisia na vystavach u Biełarusi, Rasii, Sierbii, Polščy, Litvie. Taksama mastak praciahły čas vykładaŭ u Biełaruskaj dziaržaŭnaj akademii mastactvaŭ.
Pra čas i miesca raźvitańnia z Usievaładam Śvientachoŭskim budzie paviedamlena dadatkova.
Kamientary