Cichanoŭskaja ŭznaharodziła prezidenta Čechii Kryžam dobrasusiedstva
Demakratyčnaja lidarka Biełarusi sustrełasia ŭ Prazie z prezidentam Čechii Piatrom Paŭłam. Palityki abmierkavali situacyju z palitviaźniami, žorstkija ŭmovy ŭ turmach, a taksama varyjanty šmatbakovaha cisku na režym, paviedamlaje jaje pres-słužba.
Asobna Śviatłana Cichanoŭskaja ŭźniała pytańnie jeŭrapiejskaha vybaru Biełarusi i zaklikała prezidenta Čechii padtrymać hetuju inicyjatyvu. Naprykancy sustrečy biełaruskaja lidarka ŭručyła Piatru Paŭłu Kryž dobrasusiedstva.
Cichanoŭskaja padziakavała Čechii i češskamu prezidentu za ćviorduju pazicyju — za padtrymku Ukrainy i svabodnaj Biełarusi.
«Samaje važnaje, što ja chacieła danieści: nielha adkładvać Biełaruś na paśla i pakidać jaje Pucinu jak suciašalny pryz. Vyrašeńnie kryzisu ŭ rehijonie pavinna być kompleksnym i ŭklučać u siabie Biełaruś. Demakratyčnyja źmieny ŭ našaj krainie — inviestycyja ŭ biaśpieku Ukrainy i ŭsioj Jeŭropy», — zajaviła Cichanoŭskaja.
Jana taksama sustrełasia ź ministram zamiežnych spravaŭ Janam Lipaŭskim, prezidentam češskaha Sienatu Miłašam Vystrčyłam i śpikierkaj parłamienta Markietaj Piekaravaj Adamavaj.
Ministra zamiežnych spravaŭ Cichanoŭskaja zaklikała razhladzieć šlachi vyrašeńnia vizavaha banu, a mienavita zrabić vyklučeńni dla śpiecyjalnych hrupaŭ, u tym liku dla studentaŭ i svajakoŭ biełarusaŭ Čechii.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1414
Kamientary