Śviet11

Arabski śviet nie choča dapamahać ahienctvu AAN, čyje supracoŭniki zabivali i vykradali izrailcian 

Vydańnie The Wall Street Journal paviedamlaje, što arabskija krainy admaŭlajucca zamiaščać finansavańnie ahienctvu AAN pa dapamozie paleścinskim biežancam (UNRWA, ci BADAR), čyje supracoŭniki ŭdzielničali ŭ napadzie na Izrail. Pastupleńnie hrošaj raniej spynili mnohija krainy Zachadu.

Paleścinskaja žančyna z šalikam z emblemaj CHAMAS na fonie ofisa Blizkaŭschodniaha ahienctva AAN dla dapamohi paleścinskim biežancam i arhanizacyi rabot (UNRWA, ci BADAR). Fota: Khalil Hamra / AP

«Paśla taho, jak mnohija krainy Zachadu zamarozili finansavańnie ahienctva BADAR z-za masavaj uciahnutaści jaje supracoŭnikaŭ u terarystyčnuju dziejnaść, arhanizacyja spadziavałasia, što jaje vyratuje arabski śviet, adnak hetaha nie adbyłosia», — piša The Wall Street Journal sa spasyłkaj na svaje krynicy.

Krynicy vydańnia paviedamlajuć, što arabskija krainy «nie chočuć i nie mohuć» całkam zamiaścić stračanaje zachodniaje finansavańnie BADAR, bolšaja častka jakoha pastupała ad ZŠA. 

Hrošaj u arhanizacyi z ulikam nievialikaj dapamohi ad arabskich krain zastajecca tolki da maja, zajaŭlajuć pradstaŭniki BADAR.

«Arabskija donary vydzialajuć roŭna stolki, kolki nieabchodna dla prostaha vyžyvańnia BADAR. Arabskija fundatary žadajuć bolšaj prazrystaści pry raźmierkavańni srodkaŭ arhanizacyjaj, a taksama čakajuć, čym skončycca apieracyja Izraila i jakoj budzie budučynia Hazy.

Nichto nie moža całkam zamiaścić stračanaje finansavańnie ZŠA, jakija tolki ŭ minułym hodzie vyłučyli na BADAR bolš za 422 miljony dalaraŭ», — adznačaje The Wall Street Journal.

U BADAR, jak zajaŭlajuć jaho pradstaŭniki, taksama spadziajucca na dapamohu Jeŭrasajuza, jaki niadaŭna pahadziŭsia prafinansavać arhanizacyju na 54 miljony dalaraŭ pry ŭmovie kantrolu z boku ekśpiertaŭ ES nad raźmierkavańniem vyłučanych srodkaŭ.

***

Nahadajem, što vyjaŭleńnie aficyjnym rasśledavańniem u Izraili faktaŭ udziełu supracoŭnikaŭ BADAR u napadzie na krainu vyklikała vialiki i surjozny skandał vakoł AAN. U terarystyčnaj dziejnaści byli zaŭvažanyja bolš za 190 supracoŭnikaŭ BADAR.

Takija krainy, jak ZŠA, Kanada, Vialikabrytanija, Šviejcaryja, Francyja, Hiermanija, Italija, Finlandyja, Niderłandy, Japonija i Aŭstralija całkam spynili finansavańnie BADAR, što pahražaje arhanizacyi kałapsam.

U adkaz na vystaŭlenyja abvinavačvańni kiraŭnictva BADAR adrazu abviaściła, što razryvaje kantrakty z supracoŭnikami, jakija ŭdzielničali ŭ napadzie. Pry hetym jano adznačyła, što «šakavanaje masavym prypynieńniem finansavańnia ŭsioj arhanizacyi tolki z-za dziejańniaŭ niekatorych jaje členaŭ».

Na dumku BADAR, jaje finansavy bajkot moža pryvieści da niepapraŭnych achviar siarod paleścinskaha mirnaha nasielnictva va ŭmovach vajennaj apieracyi Izraila ŭ Hazie. Arhanizacyja zajaviła, što sprabuje zabiaśpiečyć humanitarnaj dapamohaj prykładna 1,7 miljona paleścincaŭ — amal try čverci nasielnictva ŭsioj Hazy.

Kamientary1

  • Saturn
    01.04.2024
    A u muślimov eto vsiehda - kormiť popavšich v biedu jedinovierciev tipa dołžien Zapad, no nikak nie druhije braťja po vierie
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»19

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić