Łucki: Šmat ludziej vykładvaje ŭ tyktokach svaje fatahrafii ź dziaržaŭnaj simvolikaj
Dziaržaŭnyja simvały — lusterka našych nacyjanalnych kaštoŭnaściaŭ, identyčnaści našaha naroda, zajaviŭ žurnalistam namieśnik kiraŭnika Administracyi Ihar Łucki, piša BiełTA.
«Dziaržaŭnyja simvały — heta lusterka našych nacyjanalnych kaštoŭnaściaŭ, identyčnaści našaha naroda, jakija raskryvajuć jaho dušu, historyju, pamknieńni», — pierakanany Ihar Łucki.
U namieśnika kiraŭnika Administracyi pacikavilisia, čamu važna viedać i pavažać dziaržaŭnyja simvały.
«Heta ž naša historyja, adlustravańnie našaha ja, — padkreśliŭ jon. — My, biełarusy, zaŭsiody hanarylisia svajoj simvolikaj. Naš ściah maje ŭnikalny arnamient, jaki idzie z hłybini stahodździaŭ.
Tam zakadziravana naša śviadomaść, našy tradycyi. Kali my hublajem našy tradycyi, my hublajem krainu, hublajem suvierenitet. 19-y artykuł Kanstytucyi havoryć: heta simvały suvierennaj dziaržavy».
Prajava pavahi i lubovi da dziaržsimvałaŭ u ličbavym asiarodździ ŭ vyhladzie raznastajnych akcyj taksama maje vialikaje značeńnie, upeŭnieny Ihar Łucki.
«Vy bačycie, jak šmat ich prachodzić u tyktoku, instahramie, kali ludzi vykładvajuć svaje fatahrafii ź dziaržaŭnaj simvolikaj. My bačym, što heta vielmi padymaje naš patryjatyčny duch. U hetym kirunku budziem pracavać, viadoma ž», — dapoŭniŭ namieśnik kiraŭnika Administracyi.
A vy taksama vykładvajecie ŭ sacsietkach?
Ciapier čytajuć
«Padniaŭ by ž*pu, prajechaŭ pa mahazinach». Praŭładnaja błohierka abrynułasia na Azaronka za chłuśniu pra bulbu12
Kamientary
identyčnaści našaha naroda, jakija raskryvajuć jaho dušu, historyju,
pamknieńni», — pierakanany Ihar Łucki