Machlary zdajuć «rajski damok» pasiarod razaranaha pola pad Asipovičami. I mnohija viaducca
Bolš za 6 000 karystalnikaŭ Instagram padpisalisia na fejkavuju staronku i sprabujuć źniać u arendu kazačny lasny damok usiaho za sto kiłamietraŭ ad Minska. Ale ich čakaje mocnaje rasčaravańnie, piša Mahiloŭ.media.
Intryhoŭnuju abjavu pra arendu domika house_on_dream u instahramie zaŭvažyli supracoŭniki haziety «Asipovicki kraj». Na malaŭničych fotazdymkach — niezvyčajny pa architektury damok patanaje ŭ zasieni ahromnistych jalin. «Što moža być lepš za adpačynak na terasie na drevie siarod lesu?» — vabić podpis pad fotazdymkam.
Jak vyśvietliłasia, na miescy, paznačanym na staroncy praz hieateh, nasamreč ludziam pradajecca adpačynak pasiarod razaranaha pola — nijakaha ni lesu, ni damka tam niama.
Miascovyja žychary, što žyvuć u bližejšaj vioscy Młynki, naličyli ŭžo štuk z dvaccać kampanij, u asnoŭnym ź Minska, što kupilisia na fotazdymki ŭ instahramie, pajechali na ramantyčny adpačynak i apynulisia ŭ Asipovickim rajonie pasiarod hołaha pola.
Zvyčajna stvaralniki akaŭnta patrabujuć ad karystalnikaŭ pieradapłaty ŭ 170 rubloŭ — heta pałova cany, zajaŭlenaj za arendu na sutki. Dalej, viadoma ž, na suviaź užo nichto nie vychodzić.
Admietnaja rysa hetaj i ŭsich padobnych machlarskich schiem zaklučajecca ŭ tym, što ŭsie kantakty z klijentami prachodziać tolki praź miesiendžary, a ad razmoŭ praz zvyčajny telefon ułaśniki «biznesa» kateharyčna admaŭlajucca.
Niahledziačy na toje, što pieršych padmanutych karystalnikaŭ fejkavaja staronka pryciahnuła jašče na Novy 2023 hod, jana dahetul aktyŭnaja ŭ instahramie, maje bolš za 6 000 padpisčykaŭ i praciahvaje źbirać «uradžaj».
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary