Tamatny sous ci kietčup dadajuć da makarony, picy i miasa. Ale mała chto viedaje pra inšyja sposaby jaho vykarystańnia, jakija nie źviazany z charčavańniem. Voś niekalki rekamiendacyj.
Kietčup — niakiepski srodak dla čystki
Dziakujučy naturalnym kisłotam i vocatu, jakija ŭtrymlivaje kietčup, jon niadrenna pracuje ŭ jakaści srodku dla čystki ŭpryhažeńniaŭ. Kietčup dobra ačyščaje srebra i zdymaje nalot z hładkaj bižuteryi. Dastatkova jaje zamačyć u misačcy z tamatnaj pastaj na niekalki chvilin, a zatym pramyć, vysušyć i pracierci miakkaj aksamitkaj.
Kisłoty, jakija ŭtrymlivajucca ŭ kietčupie, dapamohuć pazbavicca ržy z pavierchni mietaličnych vyrabaŭ. Jon taksama vydatna čyścić miedź i łatuń, dapamoža pazbavicca plamaŭ ad žorstkaj vady i nalotu ad čaju ci kavy na kieramičnym, farforavym ci šklanym posudzie.
Jak kietčupam adpaliravać kołavyja dyski
Taksama jon dapamoža viarnuć blask mietaličnym detalam aŭtamabila ci chatniaj mietaličnaj furnitury. Ź jaho dapamohaj možna, naprykład, adpaliravać kołavyja dyski. Dla hetaha trochi tamatnaj pasty dadajuć na anučku i aktyŭnymi ruchami ŭcirajuć u pavierchniu. Zatym zastaniecca pramyć dyski vadoju.
Jak kietčupam adčyścić sabaku
Tamatny sous vałodaje taksama efiektam niejtralizacyi pachaŭ z adzieńnia. Dla hetaha jaho rekamiendujecca zamačyć u kietčupie. Prosta ŭ tazik z vadoju dadajcie stolki tamatnaha sousu, kab adčuvaŭsia jaho aramat. Zamačycie adzieńnie na 30 chvilin, a zatym pamyjcie jak zvyčajna. Praŭda, hety sposab nie padydzie dla dalikatnych i śvietłych tkanin.
Kietčup dapamoža i ŭ vypadku, kali vaš sabaka padčas prahułki nabraŭsia niepryjemnych pachaŭ. Dla hetaha pa viartańni dadomu naniasicie nievialikuju kolkaść kietčupu na ruki i natrycie poŭść svajho hadavanca. Zatym pamyjcie jaho.
Poŭść budzie bliščeć i pazbavicca niepryjemnaha pachu. Dla taho kab nie naškodzić sabaku, rekamiendujecca vybirać sous z maksimalna naturalnym składam i biez aramatyzataraŭ.
Ci možna vykarystoŭvać kietčup jak masku dla tvaru
Jak śćviardžajuć ekśpierty, maska z kietčupu zdolnaja stanoŭča paŭpłyvać na koler tvaru dziakujučy likapinu i vitaminam, što ŭtrymlivajucca ŭ hetym sousie. (Likapin, darečy, robicca zasvajalnym tolki pry termaapracoŭcy pamidoraŭ, mienavita jon robić kietčup i tamatnyja pasty takimi karysnymi, asabliva dla mužčynskaha zdaroŭja.)
Akramia hetaha kietčup moža paskoryć zažyŭleńnie drobnych ranak.
Adnak treba pamiatać, što hetych sposabaŭ užyvańnia treba paźbiahać ludziam z adčuvalnaj skuraj ci schilnym da alerhii.
Spadziajemsia, ciapier vy budziecie čaściej dastavać z chaładzilnika kietčup.
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»14
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
cie ž nie kašerna