U samym centry Navahrudka pradajuć hatel sa 150-hadovaj historyjaj
Abjava nakont prodažu budynka ŭ histaryčnym centry Navahrudka źjaviłasia na sajcie adnaho z hrodzienskich ahienctvaŭ nieruchomaści, piša «Viačerni Hrodna».
Heta histaryčny budynak haścinična-restarannaha kompleksu z kacielniaj ŭ centry horada.
Budynak byłoj haścinicy «Jeŭropa» raźmieščany na centralnaj płoščy i skryžavańni turystyčnych šlachoŭ pamiž papularnymi abjektami horada: Navahrudski zamak, Zamkavaja hara, kaścioł Pieramianieńnia Haspodniaha, Kaścioł śviatoha archanhieła Michaiła, Barysahlebskaja carkva i h.d. Maršruty štohadovych viełahonak prachodziać kala hatela: Navahrudak — Mir — Niaśviž.
Hod pabudovy 1880 hod. Płošča — 814 «kvadrataŭ». Vonkavyja, unutranyja ścieny i pieraharodki pabudavanyja z kieramičnaj cehły. Vokny i ŭvachodnyja dźviery — heta dubovyja škłopakiety.
Ź inžyniernych kamunikacyj jość aciapleńnie — hazavy kacioł, chałodnaje vodazabieśpiačeńnie — centralizavanaja sistema, haračaje vodazabieśpiačeńnie — hazavy kacioł; elektrazabieśpiačeńnie: centralizavanaja sistema, 220V, 380V, 28kVt, jość techničnyja ŭmovy na pavieličeńnie mahutnaści da 250 kVt; hazazabieśpiačeńnie: centralizavanaja sistema; vientylacyja, pravodka pad videanazirańnie.
Na pieršym paviersie raźmieščany try dvuchmiesnyja numary, na druhim paviersie piać dvuchmiesnych numaroŭ, na cokalnym paviersie restaran prykładna na 100 pasadačnych miescaŭ.
-
Znojdzieny pad Viciebskam bivień mamanta mahło prynieści tudy tałymi vodami
-
«Takija vypadki vielmi redkija». Pradpryjemstva adkazała biełaruscy, jakaja znajšła ŭ marožanym kavałak mietału
-
Homielski hubiernatar pachvaliŭsia, što sioleta ŭ rehijonie stała bolš pieršakłaśnikaŭ. Ale letašnija ličby hetamu piarečać
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
Biełaruś. Biźnies madel. 21 stahodździe.