Łatvija, Litva i Estonija abvinavacili Rasiju ŭ padaŭleńni sihnałaŭ GPS u Bałtyjskim mory
Pavodle acenak ekśpiertaŭ, za apošnija miesiacy z-za pieraškod GPS paciarpieli dziasiatki tysiač hramadzianskich avijarejsaŭ.
Łatvija, Litva i Estonija abvinavacili Rasiju ŭ padaŭleńni sihnałaŭ GPS u Bałtyjskim mory, zajavili ministry zamiežnych spraŭ bałtyjskich krain, piša «Mieduza».
«Kali niechta vyklučyć vam fary, pakul vy jedziecie nočču, heta stanovicca niebiaśpiečnym. Situacyja ŭ Bałtyjskim rehijonie pablizu rasiejskich miežaŭ ciapier stanovicca zanadta niebiaśpiečnaj, kab jaje ihnaravać», — skazaŭ u razmovie z vydańniem ministr zamiežnych spraŭ Litvy Habryelus Łandśbierhis.
Kiraŭnik MZS Estonii Marhus Cachkna dadaŭ, što krainy Bałtyi ličać hłušeńnie GPS-sihnałaŭ «hibrydnaj atakaj RF», jakaja ŭjaŭlaje niebiaśpieku dla ich hramadzian. «My dakładna abmiarkujem heta z našymi sajuźnikami», — dadaŭ jon.
Ministr zamiežnych spraŭ Łatvii Bajba Braže dadała, što krainy Bałtyi «surjozna staviacca da incydentaŭ» z GPS i «kantaktujuć z kalehami ź inšych dziaržaŭ» pa hetym pytańni.
Pavodle acenak ekśpiertaŭ, za apošnija miesiacy z-za pieraškod GPS paciarpieli dziasiatki tysiač hramadzianskich avijarejsaŭ. U pryvatnaści, 25 i 26 krasavika dva samaloty avijakampanii Finnair, jakija nakiroŭvalisia z Chielsinki ŭ Tartu, byli vymušanyja viarnucca ŭ aeraport vyletu z-za pieraškod u GPS.
Vysokapastaŭleny čynoŭnik u razmovie z FT vykazaŭ zdahadku, što Rasija moža hłušyć GPS-sihnały, kab abaranić Kalininhrad ad patencyjnych napadaŭ ukrainskich bieśpiłotnikaŭ.
-
«Cisk na Pucina nie pracuje». Sienatar Hrem zaklikaŭ Trampa ŭzbroić Ukrainu «Tamahaŭkami»
-
Makron zajaviŭ pra techničnuju padrychtoŭku da dyjałohu z Pucinym
-
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?2
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary