Biełaruski PEN razam z telekanałam «Biełsat» i Muziejem Volnaj Biełarusi zaprašajuć na cyrymoniju ŭznaharodžańnia pieramožcy premii Aniempadystava za najlepšuju knižnuju vokładku, piša Budzma.org.
Premija zasnavanaja ŭ 2019 hodzie ŭ pamiać pra čałavieka mnohich talentaŭ — mastaka, paeta, fatohrafa, dyzajniera, publicysta, kulturołaha Michała Aniempadystava, jaki pajšoŭ z žyćcia šeść hadoŭ tamu.
Apošnim razam premija ŭručałasia ŭ 2022 hodzie. Heta byŭ pieršy hod, kali premija prachodziła nie ŭ Biełarusi. Pieramožcam tady staŭ dyzajnier Anatol Łazar, jaki stvaryŭ vokładku knihi «(Nie)rasstralanyja» pra biełaruskich kulturnych dziejačaŭ — achviaraŭ stalinskich represij.
Sioleta da finalnaha etapu premii dajšło 8 vokładak, abranych u karotki śpis prafiesijnym žury:
-
Vydaviectva «Viasna» — vokładka knihi Alhierda Bachareviča «Vieršy»
-
Anatol Łazar — vokładka knihi Janki Kupały «Vybranaje»
-
Anatol Łazar — vokładka knihi Vasila Bykava «Znak Biady»
-
Jana Hałuškina, VEHA — vokładka knihi VEHA «Ludzi Lesu / Ludzi Lesu»
-
Kaciaryna Pikirenia — vokładka knihi Hanny Komar «My vierniemsia»
-
Kaciaryna Pikirenia — vokładka knihi Valžyny Mort «Pieśni dla miortvych i ŭvaskresłych»
-
Kaciaryna Pikirenia — vokładka knihi Maksa Ščura «Tam, dzie nas niama»
-
Julija Łarjanava, Tania Skarynkina — vokładka knihi Tani Skarynkinaj «YESMAMOČKA»
Cyrymonija adbudziecca 7 traŭnia a 18.00 ŭ Varšavie, u Muziei Volnaj Biełarusi. Stanie viadomaje imia aŭtara ci aŭtarki najlepšaj vokładki dla knihi, vydadzienaj u 2022 hodzie. Śpiecyjalny hość cyrymonii — Lavon Volski ź pieśniami na vieršy Michała Aniempadystava.
Uvachod volny.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary