Upieršyniu kiraŭnica Abjadnanaha pierachodnaha kabinieta Śviatłana Cichanoŭskaja sustrełasia z aficyjnymi asobami NATA
Adbyłasia sustreča z hienieralnym sakratarom Arhanizacyi paŭnočnaatłantyčnaj damovy Jensam Stołtenbierham, paviedamlaje pres-słužba Śviatłany Cichanoŭskaj.
U sustrečy taksama braŭ udzieł Valer Kavaleŭski. Taksama ŭ ramkach Paŭnočnaatłantyčnaj Rady Śviatłana Cichanoŭskaja praviała bryfinh dla pastajannych pradstaŭnikoŭ usich krain-udzielnic Aljansu dziela abmienu mierkavańniami pa kryzisie ŭ Biełarusi i pa pierśpiektyvach ustanaŭleńnia dyjałohu demakratyčnaha ruchu Biełarusi i NATA pa palityčnym paradku dnia.
«Ja rada, što heta sustreča adbyłasia, i što ŭ demakratyčnych sił Biełarusi zaviazvajecca taki dyjałoh, — skazała Śviatłana Cichanoŭskaja. — U padmurak Aljansu zakładzienyja blizkija dla biełarusaŭ kaštoŭnaści: indyvidualnaja svaboda, pravy čałavieka, demakratyja i viaršenstva prava».
Na dumku demakratyčnaha lidara Biełarusi dla kožnaj jeŭrapiejskaj krainy nieabchodna vybudoŭvać pavažlivyja, kanstruktyŭnyja adnosiny z NATA, što važna dla nacyjanalnych intaresaŭ i padtrymańnia rehijanalnaj biaśpieki.
«Mnie b chaciełasia, kab Biełaruś usprymali jak nadziejnaha mirnaha pradkazalnaha partniora», — reziumavała Śviatłana Cichanoŭskaja.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»4
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary