Rasija pierajšła na vykarystańnie suchaputnych maršrutaŭ praz uschodniuju častku Ukrainy dla zabieśpiačeńnia linii frontu i pierastała ekspłuatavać most praz Kierčanski praliŭ, piša The Independent.
Spadarožnikavyja zdymki, jakija praanalizavała i pieradało vydańniu najbujniejšaje ŭkrainskaje pryvatnaje raźviedvalnaje ahienctva Molfar, pakazali, što
apošnija try miesiacy pa moście nie chodziać vajskovyja hruzavyja čyhunačnyja sastavy. Z 29 lutaha byŭ zaŭvažany tolki adzin rasijski hruzavy ciahnik z 55 vahonami z palivam.
Adznačajecca, što Maskva značna skaraciła vykarystańnie Krymskaha mosta paśla ataki na jaho 17 červienia 2023 hoda. Tady ŭkrainskija marskija drony zmahli paškodzić častku pałatna, dva čałavieki zahinuli.
Sa słoŭ hienieralnaha dyrektara Molfar Arcioma Starasieka, rašeńnie rasijskich uładaŭ spynić vykarystańnie mosta supała z rezkim rostam hruzavych pieravozak praz Tamań u Rastoŭskaj vobłaści.
Pavodle jahonych słoŭ, Rasija pačała prakładać novyja čyhunačnyja vietki na akupavanych terytoryjach, a mienavita ŭ Mielitopali, Biardziansku i Maryupali, kab źviazać Krym z Rasijaj suchaputnym šlacham.
Novaja čyhunačnaja linija, jakaja prachodzić ad Mielitopala da Biardzianska i Maryupala, a zatym da Rastova-na-Donie, vierahodna, budzie vykarystoŭvacca rasijskimi vojskami dla novaha nastupleńnia, jakoje, jak mnohija čakajuć, pačniecca hetym letam, udakładniaje vydańnie.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary