U Minsku za 20 mietraŭ ad mietro adkryjecca samy vialiki ŭ Biełarusi park zabaŭ
U šmatfunkcyjanalnym kompleksie Prisma, jaki ŭzvodzicca kala stancyi mietro «Partyzanskaja», sioleta adkryjecca samy vialiki, jak śćviardžajecca, u Biełarusi aktyvici-park.
Šmatfunkcyjanalny kompleks Prizma budujecca na skryžavańni Partyzanskaha praśpiekta i vulicy Daŭhabrodskaj. Heta ŭsiaho za 20 mietraŭ ad vychadu sa stancyi mietro «Partyzanskaja». U im taksama raźmieściacca hipiermarkiety «Hipa» i «5 elemient», kramy adzieńnia i abutku, fudkort, kinateatr dy inš. Padrabiaznaści raspaviali Smartpress.by u kampanii «Sihmapolus».
Tam budzie samy vialiki ŭ Biełarusi aktyvici-park: Prizma park, što budzie vykanany ŭ sučasnym futurystyčnym styli.
Aktyvici-park zojmie płošču try tysiačy kvadratnych mietraŭ. Pa pamiery heta, jak pałova futbolnaha pola.
Park budzie dvuchuzroŭnievym. Na pieršym uzroŭni buduć bolš za 20 roznych hulniavych aktyŭnaściaŭ, uklučajučy batutnuju arenu, skaładrom, ciubinhavuju trasu, suchi basiejn, vułkan i asobnuju hulniavuju zonu dla samych maleńkich.
«Hałoŭnyja asablivaści aktyvici-parku — heta hihanckija łabirynty i dvuchpaviarchovaja nindzia-zona. Jana ŭjaŭlaje saboj niešta padobnaje na amierykanskija horki ź pieraškodami», — kažuć u kampanii.
Na dvuch uzroŭniach raźmieścicca taksama kafe na 250 miescaŭ ź jeŭrapiejskaj kuchniaj i dziciačym mieniu. A złučacca dva pavierchi buduć vaśmimietrovaj vintavoj horkaj i pierachodnymi mastkami z hulniavoha abstalavańnia.
Na druhim uzroŭni aktyvici-parku akramia zabaŭ zrobiać šeść kanceptualnych pakojaŭ dla praviadzieńnia mierapryjemstvaŭ. Tudy možna zamović ježu z kafe i zaprasić animataraŭ
«Baćki, kuplajučy adzin bilet, zmohuć spakojna adpačyć u kafe, prahulacca pa handlovym centry, zrabić pakupki ci schadzić u kino — i nie dumać ab dadatkovych vydatkach, bo adrazu ŭsie aktyŭnaści ŭ parku ŭklučany ŭ košt», — kažuć pradstaŭniki deviełapiera.
Čakajecca, što mantaž ŭsich aktyvici-zon zojmie kala piaci miesiacaŭ.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ32
Kamientary