U Polščy pamior Dźmitryj Barajčuk — fihurant dźviuch palityčnych kryminałak, jaki prajšoŭ praz ździeki na Akreścina
8 traŭnia ŭ Polščy paśla praciahłaj chvaroby pamior 51-hadovy biełarus Dźmitryj Barajčuk, jaki niezadoŭha da taho pakinuŭ radzimu z-za palityčnaha pieraśledu, paviedamiŭ kiraŭnik fonda «Bajsoł» Andrej Stryžak.
Paviedamlajecca, što ŭ 2020-m Dźmitryj źbiraŭ podpisy za Viktara Babaryku, za što byŭ pakarany aryštam.
Druhi raz jaho aryštavali ŭ 2022 hodzie, Barajčuk prajšoŭ praz Akreścina, dzie padviarhaŭsia ździekam, źbićciu i pahrozam. A paśla jaho zrabili padazravanym pa dźviuch kryminalnych spravach.
U 2023 hodzie Dźmitryj ź siamjoj ekstranna vyjechaŭ ź Biełarusi, užo vielmi kiepska siabie adčuvajučy. Jamu byŭ pastaŭleny dyjahnaz — salidna-kistoznaja puchlina. Apieracyju pa vydaleńni puchliny razam z častkaj straŭnika jamu praviali ŭ Biełastoku, adnak chvaroba nie adstupiła.
8 traŭnia Dźmitryj Barajčuk pamior. U čužoj krainie biez muža i baćki zastałasia jahonaja siamja — žonka i čaćviora dziaciej, troje ź jakich niepaŭnaletnija.
Kamientary