Rozie Turarbiekavaj daviadziecca vyklučyć dvuch mužčyn sa svajho vybarčaha śpisu, kab adpaviadać hiendarnym kvotam
Na siońniašnim pasiadžeńni Vybarčaj kamisii, jakaja arhanizuje vybary ŭ Kaardynacyjnuju radu, abmiarkoŭvałasia prablema, jakaja niečakana pastaviła pad pahrozu isnavańnie cełaha vybarčaha śpisu.
Kazus uźnik sa śpisam Abjadnańnia «Naša sprava» na čale z palitołaham Rozaj Turarbiekavaj, jaki składajecca z 14 čałaviek. U apošni momant jaho vyrašyli pakinuć dźvie žančyny.
I ŭsio b ničoha, ale paśla taho śpis pierastaŭ adpaviadać patrabavańniam ab hiendarnych kvotach, pavodle jakich nie mienš za 40% kožnaha śpisu pavinny składać žančyny.
U vyniku pierad siabrami Vybarčaj kamisii ŭźnikła dylema, što rabić z hetym śpisam. Razhladalisia try varyjanty:
1) Śpis zdymajecca z vybaraŭ, pakolki nie vykonvaje farmalnaha patrabavańnia pa hiendarnaj kvocie;
2) Śpis zastajecca ŭ ciapierašnim vyhladzie, a na parušeńnie hiendarnaj kvoty kamisija zapluščvaje vočy;
3) Śpis zastajecca, ale tolki pry ŭmovie, što da ranicy nastupnaha dnia ź jaho vyklučać lubych dvuch mužčyn na vybar samich udzielnikaŭ śpisu, paśla čaho hiendarnaja kvota budzie vykananaja.
U vyniku było pryniata rašeńnie, što Roza Turarbiekava musić da 9-j hadziny ranicy dać infarmacyju, jakija dvoje mužčyn buduć vyklučanyja sa śpisu. U advarotnym vypadku śpis budzie z vybaraŭ źniaty.
Na hety momant u śpis Abjadnańnia «Naša sprava» ŭvachodziać 8 mužčyn: Vital Rymašeŭski, Andrej Łaŭruchin, Alaksandr Paršankoŭ, Pavieł Cieraškovič, Uładzimir Dalecki, Kanstancin Akinčyc, Andrej Žukaviec (Lebiadzinski) i Viktar Saskievič.
Paśla pryniaćcia rašeńnia pa hetym pytańni Vybarčaja kamisija pierajšła da abmierkavańnia našumiełaha kiejsa z rassyłkaj Alaksandram Azaravym paviedamleńnia praz čat-bot płana «Pieramoha». U im byŭ zaklik uziać udzieł u vybarach i prahałasavać na ich za śpis «Zakon i pravaparadak», jaki ŭznačalvaje Azaraŭ.
Padpisanym na płan «Pieramoha» pryjšło apaviaščeńnie: hałasujcie za Azarava. Što adbyvajecca i ŭ čym niebiaśpieka
«Chacieli pryciahnuć uvahu da vybaraŭ u KR». Bajpoł adkazaŭ na krytyku vykarystańnia čat-bota płana «Pieramoha»
«Sproba apazicyi zajmieć druhoje dychańnie». Voś što napisała pra anłajn-vybary ŭ Kaardynacyjnuju radu Le Monde
Śpis Łatuški nabiare na vybarach u Kaardynacyjnuju radu amal 50% hałasoŭ — apytańnie
Apublikavany mabilny dadatak dla ŭdziełu ŭ hałasavańni ŭ Kaardynacyjnuju radu
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?5
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Zatoje Azaraŭ, jaki parušyŭ praviły viadzieńnia ahitacyi za siabie, i jaki padstaviŭ pad pahrozu turmy tysiačy ludziej u Biełarusi zastaniecca? I potym za jaho prahałasuje ŭsio MVD z hubazikam. Kab jon i nadalej pastaŭlaŭ im novyja achviary.