KDB masava zatrymlivaje čyhunačnikaŭ za fota avaryi, jakuju chacieli ŭtaić
«Supolnaść čyhunačnikaŭ Biełarusi» daviedałasia pra chvalu zatrymańnia kaleh, jakaja tryvaje ad 20 maja.
Tolki ŭ łakamatyŭnym depo «Minsk» 21 maja schapili šeść mašynistaŭ i pamočnikaŭ mašynista.
Kiraŭnictva depo śćviardžaje, što pryčynaj zatrymańniaŭ była pierasyłka ŭ miesiendžarach i pracoŭnych čatach fota avaryi 10 maja, kali manieŭrany łakamatyŭ syšoŭ z rejek kala stancyi «Minsk-Sartavalny». Pavodle supolnaści čyhunačnikaŭ, avaryju sprabavali ŭtaić.
Ź liku šaści zatrymanych, pra jakich viadoma supolnaści čyhunačnikaŭ, troch vyzvalili praz try dni, try zastajucca zatrymanymi. Prynamsi dvum inkryminujuć «spryjańnie ekstremizmu» — imavierna, havorka pra artykuł 361-4 Kryminalnaha kodeksu, pavodle jakoha mohuć pakarać pazbaŭleńniem voli na terminy da 7 hadoŭ.
Abvinavačanych zvolnili, taksama «prapanavali» zvolnicca načalniku adnoj sa stancyj łakamatyŭnaha depo — usio za tuju ž pierasyłku zdymkaŭ supracoŭnikami.
Supolnaść čyhunačnikaŭ adznačaje, što zatrymańni i zvalnieńni adbyvajucca na tle vostraha niedachopu kadraŭ na čyhuncy. I navat va ŭmovach źnižeńnia abjomu hruzapieravozak zvalnieńnie šaści supracoŭnikaŭ budzie adčuvalnym dla łakamatyŭnaha depo.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary