Sa žniŭnia 2020 ŭ Biełarusi ździejśniena kala 19 tysiač «ekstremisckich złačynstvaŭ» — Śledčy kamitet
Ličbu kala 19 tysiač «ekstremisckich złačynstvaŭ» pačynajučy sa žniŭnia nazvaŭ staršynia Śledčaha kamiteta Dźmitryj Hara na sustrečy z rabotnikami pradpryjemstva «Hranit» u Mikaševičach.
Padčas razmovy Dźmitryj Hara adznačyŭ, što, maŭlaŭ, uzrovień złačynnaści ŭ krainie źmianšajecca, mienšaje kolkaść ciažkich i asabliva ciažkich hvałtoŭnych złačynstvaŭ suprać čałavieka. Ale pry hetym praciahvajecca praca pa supraćdziejańni «ekstremizmu».
Źviartajučysia da statystyki, jon adznačyŭ, što sa žniŭnia 2020 hoda pa ŭsioj krainie ździejśniena kala 19 tys. «złačynstvaŭ ekstremisckaj nakiravanaści». Za minuły hod vyjaŭlena kala 5,5 tys. takich «złačynstvaŭ», u tym liku minułych hadoŭ.
Mnohija z «ekstremistaŭ», pavodle jahonych słoŭ, chavajucca dahetul. Pry hetym siarod ich i tyja, kaho abvinavačvajuć u «teraryźmie»:
«Rasśledujucca kryminalnyja spravy, raspačatyja ŭ dačynieńni da asob, jakija rychtujucca ździejśnić terarystyčnyja akty ŭ Biełarusi i na terytoryi Rasii. Adnaznačna ŭstanoŭlenyja fakty, kali da nas u krainu z Ukrainy dastaŭlalisia vybuchovyja rečyvy i zbroja, jakija składalisia ŭ chovankach», — adznačyŭ Dźmitryj Hara.
Mocna dapiakaje śledčym internet:
«Uzrovień złačynstvaŭ, jakija ździajśniajucca z dapamohaj internetu z vykarystańniem infarmacyjna-kamunikacyjnych technałohij, apošnija niekalki hadoŭ ros u hieamietryčnaj prahresii. Z usich zarehistravanych złačynstvaŭ u krainie čverć prypadała na kibierzłačynstvy».
Samy šmatludny zavočny sud: pačynajecca razhlad «spravy analitykaŭ Śviatłany Cichanoŭskaj»
«Kvatarantaŭ, jakija zdymali žytło, vysielili za dzień da aryštu kvatery». Hieroi filma ANT raskazali pra aryšt majomaści ŭciekačoŭ
Udzień i ŭnačy ŭ čakańni «haściej». Jak biełarusy adbyvajuć «chatniuju chimiju»?
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary
To, čto priznali pravozaŝitniki, nado umnožať na 10.