Pavieł Libier: Biełarusy i biełaruski stvaryli suśvietny precedent anłajn-vybaraŭ
Kiraŭnik kamandy raspracoŭnikaŭ prahramy dla hałasavańnia Pavieł Libier acaniŭ vyniki vybaraŭ u Kaardynacyjnuju radu z techničnaha boku. Jon piša, što jaho kamandzie za 1,5 hoda ŭdałosia stvaryć unikalny pradukt i suśvietny precedent.
Pavodle Libiera, techničnaj kamandzie ŭdałosia pravieści nacyjanalnyja vybary z udziełam ludziej z roznych kropak śvietu, dy jašče ź mižnarodnym nazirańniem i paŭnavartasnym aŭdytam. Pry pramym supraćdziejańni biełaruskaha režymu.
«Jašče raz dla tych, chto nie zrazumieŭ — biełarusy i biełaruski stvaryli suśvietny precedent anłajn-vybaraŭ z vykarystańniem samych pieradavych suśvietnych padychodaŭ — heta razumiejuć naziralniki, partniory, aŭdytary, jakija ŭ zachapleńni ad taho, što my zrabili. Hetaha časta nie razumiejem my sami, što my — achu… cudoŭnyja!
Heta byŭ unikalny vopyt, tamu što nie kožny dzień ty sutykaješsia z takimi zadačami, składanymi pracesami, jakija taksama nie farmalizavany, kučaj abmiežavańniaŭ pa mahčymaściach z-za biaśpieki i vielizarnym ciskam ad usich», — piša Libier.
Jon dadaje, što ŭ kampanii byli aŭdytary — «surjoznaja niezaležnaja mižnarodnaja kampanija», a taksama padziakavaŭ za dapamohu kibierpartyzanam.
«Što atrymałasia — my narmalna pieražavali DDOS ataku, choć i zapuścilisia krychu paźniej, my dosyć stabilna prapracavali, paśpiachova zaviaršyli hałasavańnie, usie tranzakcyi ŭ błokčiejnie. Atrymali šmat zachoplenych vodhukaŭ ad suśvietnych partnioraŭ», — piša jon.
«My zrabili ŭnikalny pradukt, my stvaryli suśvietny precedent, i ja ŭdziačny ŭsim, chto zmoh paŭdzielničać. Raskazvajcie hetuju historyju ŭ kamjunici — heta jašče adna cudoŭnaja nahoda nahadać usim, što biełarusy i biełaruski ŭnikalnyja, i pakul usio tryndziać, my — robim!» — dadaje jon.
Asudžany za «Hajun» da chimii brat Ihara Łosika ŭciok ź Biełarusi3
Asudžany za «Hajun» da chimii brat Ihara Łosika ŭciok ź Biełarusi
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary