Alaksandr Łukašenka ličyć, što vializny patencyjał supracoŭnictva Biełarusi i Irana nie vykarystoŭvajecca ŭ poŭnaj miery.
Pra heta jon zajaviŭ siońnia na sustrečy z kiraŭnikom Administracyi Prezidenta Isłamskaj Respubliki Iran Esfandzijaram Rachimam Mašai.
«Patencyjał supracoŭnictva našych krain vializny, ale jon vykarystoŭvajecca mizerna, — skazaŭ Alaksandr Łukašenka. — Pierakanany, što ŭ vyniku siońniašnich kantaktaŭ nam udasca kančatkova vyrašyć samyja składanyja pytańni, jakija datyčacca ekanomiki, handlova‑ekanamičnaha supracoŭnictva».
Iran źjaŭlajecca tradycyjnym handlovym partnioram Biełarusi. Za 11 miesiacaŭ 2009 hoda tavaraabarot pamiž dźviuma krainami skłaŭ $65,2 młn.
Kiraŭnik biełaruskaj dziaržavy adznačyŭ padabienstva pazicyj Biełarusi i Irana pa ŭsich aktualnych pytańniach mižnarodnaj palityki. «Asablivaść vašaha ciapierašniaha vizitu ŭ tym, što jon svoječasovy. Ja liču, my zmožam abmierkavać usie prablemy», — skazaŭ Alaksandr Łukašenka, źviartajučysia da hościa. Jon taksama dadaŭ, što zacikaŭleny ŭ tym, kab
«ź pieršych vusnaŭ daviedacca, jakaja situacyja ŭ Iranie, tyja hałoŭnyja prablemy, jakija treba vyrašyć dziaržavie ŭ bližejšy čas».
U svaju čarhu kiraŭnik Administracyi prezidenta Irana źviarnuŭ uvahu na družalubny charaktar adnosin pamiž dźviuma krainami. «Našy dziaržavy znachodziacca ŭ ahulnych umovach, u ich ahulnyja mety dla pašyreńnia dvuchbakovych adnosin i pry hetym imknieńnie być svabodnymi i niezaležnymi, — skazaŭ jon. — Siońnia ŭ śviecie Biełaruś i Iran viedajuć jak krainy, jakija zmahajucca za svaju niezaležnaść i trymajuć svaju pazicyju».
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary