Hramadzianin Francyi pamior ad abiazvodžvańnia ŭ vakolicach Bajkanura
Pavodle adnoj viersii, jany sprabavali prabracca na kasmadrom, pavodle druhoj, fatahrafavalisia ŭ stepie. Tym časam na Bajkanury +36 hradusaŭ.
«Dvoje hramadzian Francyi sprabavali trapić na terytoryju kasmadroma. Jany abrali «kłasičny» šlach — vyjšli na trasie i nakiravalisia da vysokich budynkaŭ u stepie. Pa darozie adnamu stała błaha», — raspavioŭ surazmoŭca ahienctva RIA «Naviny».
Pavodle jaho słoŭ, druhi francuz pabieh nazad da trasy, kab paklikać na dapamohu, adnak jaho siabar u hety čas užo pamior ad abiazvodžvańnia.
Kasmadrom Bajkanur, jaki Rasija aranduje da 2050 hoda, raźmieščany na terytoryi Kyzyłardynskaj vobłaści. Pavodle danych servisu world-weather.ru, napiaredadni na Bajkanury tempieratura pavietra składała +36 hradusaŭ.
Jak piša blizki da siłavikoŭ telehram-kanał «112», zahinuły francuz i jaho siabar — turysty-ekstremały, jakija chacieli pahladzieć na saviecki kaśmičny šatł «Buran» (na Bajkanury zachoŭvajucca druhi ekziemplar i jaho habarytny makiet).
Na Bajkanur nie raz sprabavali nielehalna prakraścisia turysty, u tym liku biełarusy. U vypadku zatrymańnia im vypisvajuć administracyjnyja štrafy.
Razam z tym TASS sa spasyłkaj na krynicu ŭ siłavych strukturach piša, što francuzy nie sprabavali trapić na kasmadrom, a prosta fatahrafavalisia ŭ stepie.
«Jany fatahrafavali budynki ŭ stepie, ale adnamu ź ich stała drenna, a druhi turyst pajšoŭ prasić dapamohu na KPP, adnak dapamahčy nie paśpieli», — skazaŭ surazmoŭca ahienctva.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy7
Kamientary