«Heta całkam akupavanaja terytoryja», — kaža pra Biełaruś ministr abarony Litvy Łaŭrynas Kaščunas.
Ministr abarony Litvy Łaŭrynas Kaščunas zajaviŭ, što na miažy ź Biełaruśsiu buduć pabudavanyja abarončyja ŭmacavańni.
«My stvarajem bałtyjskuju liniju abarony sumiesna z Łatvijaj i Estonijaj. Jana budzie intehravanaja z umacavańniami, jakija stvoryć Polšča ŭ ramkach svajoj novaj inicyjatyvy. Akramia taho, my mnohaje zrobim na miažy ŭ ramkach ułasnych litoŭskich nacyjanalnych rašeńniaŭ. Pierš za ŭsio heta tyčycca ŭźviadzieńnia ŭčastkaŭ zaharod, jakija pieraškadžajuć mabilnaści. Niekalki punktaŭ na miažy ź Biełaruśsiu i Kalininhradskaj vobłaściu buduć hruntoŭna abstalavanyja parkami kontrmabilnaści. My taksama płanujem mnohija inšyja ŭdaskanaleńni ŭ hetym hodzie.
Praź miesiac my abvieścim bolš kankretna, što budzie zroblena ŭ ramkach litoŭskaha abaronnaha płana», — skazaŭ Kaščunas žurnalistu Reform.news.
Litoŭski ministr abarony taksama admoŭna adkazaŭ na pytańnie žurnalista Reform.news adnosna taho, ci ŭsprymaje Litva Biełaruś i režym Alaksandra Łukašenki jak samastojnyja subjekty.
«Absalutna nie. Heta całkam akupavanaja terytoryja», — skazaŭ Łaŭrynas Kaščunas.
Ministr abarony Litvy biare ŭdzieł u sustrečy ministraŭ abarony krain NATO, jakaja pačałasia 13 červienia ŭ štab-kvatery aljansu i praciahniecca dva dni. Sa słoŭ hienieralnaha sakratara NATO Jensa Stołtenbierha, ministry buduć abmiarkoŭvać try asnoŭnyja pytańni: zabieśpiačeńnie stabilnaj, bieśpierapynnaj u pradkazalnych abjomach dapamohi Ukrainie ŭ adbićci rasijskaj ahresii, uzmacnieńnie abaronnaha patencyjału krain NATO, a taksama ŭmacavańnie supracoŭnictva z partniorami, jakija nie ŭvachodziać u NATO.
Čakajecca, što na sustrečy buduć padrychtavanyja rašeńni, jakija buduć zaćvierdžany na samicie ŭ Vašynhtonie z 9 pa 11 lipienia.
Ciapier čytajuć
Łukašenka patłumačyŭ, čamu jaho nie vidać pa sieradach i subotach2
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary