Грамадства99

Літва пабудуе ўмацаванні на мяжы з Беларуссю

«Гэта цалкам акупаваная тэрыторыя», — кажа пра Беларусь міністр абароны Літвы Лаўрынас Кашчунас.

Лаўрынас Кашчунас. Фота: reform.news

Міністр абароны Літвы Лаўрынас Кашчунас заявіў, што на мяжы з Беларуссю будуць пабудаваныя абарончыя ўмацаванні.

«Мы ствараем балтыйскую лінію абароны сумесна з Латвіяй і Эстоніяй. Яна будзе інтэграваная з умацаваннямі, якія створыць Польшча ў рамках сваёй новай ініцыятывы. Акрамя таго, мы многае зробім на мяжы ў рамках уласных літоўскіх нацыянальных рашэнняў. Перш за ўсё гэта тычыцца ўзвядзення ўчасткаў загарод, якія перашкаджаюць мабільнасці. Некалькі пунктаў на мяжы з Беларуссю і Калінінградскай вобласцю будуць грунтоўна абсталяваныя паркамі контрмабільнасці. Мы таксама плануем многія іншыя ўдасканаленні ў гэтым годзе.

Праз месяц мы абвесцім больш канкрэтна, што будзе зроблена ў рамках літоўскага абароннага плана», — сказаў Кашчунас журналісту Reform.news.

Літоўскі міністр абароны таксама адмоўна адказаў на пытанне журналіста Reform.news адносна таго, ці ўспрымае Літва Беларусь і рэжым Аляксандра Лукашэнкі як самастойныя суб'екты.

«Абсалютна не. Гэта цалкам акупаваная тэрыторыя», — сказаў Лаўрынас Кашчунас.

Міністр абароны Літвы бярэ ўдзел у сустрэчы міністраў абароны краін NATO, якая пачалася 13 чэрвеня ў штаб-кватэры альянсу і працягнецца два дні. Са слоў генеральнага сакратара NATO Енса Столтэнберга, міністры будуць абмяркоўваць тры асноўныя пытанні: забеспячэнне стабільнай, бесперапыннай у прадказальных аб'ёмах дапамогі Украіне ў адбіцці расійскай агрэсіі, узмацненне абароннага патэнцыялу краін NATO, а таксама ўмацаванне супрацоўніцтва з партнёрамі, якія не ўваходзяць у NATO.

Чакаецца, што на сустрэчы будуць падрыхтаваныя рашэнні, якія будуць зацверджаны на саміце ў Вашынгтоне з 9 па 11 ліпеня.

Каментары9

  • Сакавік
    13.06.2024
    Суседзі ў хуткія змены ў нас не вераць!
  • *
    13.06.2024
    Сакавік, яны яшчэ доўга верылі. Але як можна спадзявацца на тое, чаго ня можа быць у прынцыпе. Таму абнесьці гэтую зону калючым дротам і ровам з кіслатой
  • Ниуя
    13.06.2024
    Окопы выроем, но торговать не перестанем. Ха ха ха

Цяпер чытаюць

Што можа чакаць тых, каго будуць судзіць па справе «Беларускага Гаюна»?

Што можа чакаць тых, каго будуць судзіць па справе «Беларускага Гаюна»?

Усе навіны →
Усе навіны

Дзіцячы цэнтр, які адмовіў дзяўчыне ў працаўладкаванні за беларускую мову, улады праверылі і знайшлі парушэнні2

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране11

«Гэты фэст не толькі для кайфу». Арганізатары фестывалю Tutaka расказалі пра сёлетнія планы і перспектывы10

Пуцін асудзіў парушэнне Ізраілем Статута ААН і нормаў міжнароднага права11

За месяц попыт на лялек Лабубу вырас на «Куфры» ў 6,5 раза7

Пад Салядарам адзін расійскі самалёт збіў іншы?4

Ізраільская ракета ўдарыла па рэзідэнцыі Вярхоўнага лідара Ірана Алі Сееда Хаменеі3

Падчас ізраільскай атакі на Іран забілі камандзіра спецпадраздзялення «Кудс»1

Нетаньяху ўвёў Іран у зман з дапамогай вяселля, а Трамп — сваімі заявамі8

больш чытаных навін
больш лайканых навін

Што можа чакаць тых, каго будуць судзіць па справе «Беларускага Гаюна»?

Што можа чакаць тых, каго будуць судзіць па справе «Беларускага Гаюна»?

Галоўнае
Усе навіны →

Заўвага:

 

 

 

 

Закрыць Паведаміць