Vajna11

Chto dadaŭ Biełaruś u prajekt mirnaha pahadnieńnia pamiž Ukrainaj i Rasijaj u 2022 hodzie? Adkaz daŭ Michaił Padalak

Daradca kiraŭnika Ofisa prezidenta Ukrainy Michaił Padalak daŭ intervju «Lusterku», u jakim prajaśniŭ niekatoryja niuansy mirnych pieramoŭ pamiž Rasijaj i Ukrainaj viasnoj 2022 hoda, prajekty damoŭ pa vynikach jakich byli niadaŭna apublikavanyja.

Michaił Padalak. Fota: AP Photo/Efrem Lukatsky

— The New York Times apublikavała prajekt mirnaha pahadnieńnia, jakoje Rasija i Ukraina amal uzhadnili ŭ krasaviku 2022 hoda. Tam havorycca, što Ukraina nie pavinna vajavać na baku adnaho z harantaŭ jaje biaśpieki, jakimi ŭ tekście paznačany Vialikabrytanija, Kitaj, ZŠA, Francyja i Rasija (u dužkach taksama fihurujuć Biełaruś i Turcyja). Vy byli ŭdzielnikam pieramoŭ. Chto i čamu dadaŭ Biełaruś?

— Niama nijakaj damovy. Nijakich damoŭ z Rasijaj nichto nie źbiraŭsia padpisvać. I ŭsio toje, što Rasija kudyści dzieści źlivaje, usie hetyja dakumienty biaskoncyja, jana ŭsio adno i toje ž kaža. I heta całkam kareluje z zajavami Pucina.

Rasijskaja Fiederacyja pryjechała [na pieramovy 2022 hoda] z ultymatumam, jaki vyhladaŭ nastupnym čynam: vy nam pavinny addać jurydyčna svaje terytoryi, vy pavinny admovicca jurydyčna ad subjektnaści (źniešniaj i ŭnutranaj), vy pavinny admovicca ad unutranaj identyčnaści. A samaje hałoŭnaje — vy pavinny admovicca ad samaabarony, raspuścić svajo vojska i skłaści zbroju.

Ja, ščyra kažučy, navat nie razumieju, čamu chtości praciahvaje pisać toje, što nie adpaviadaje rečaisnaści. Nijakich padobnych damoŭ, naturalna, nie mahło być i nie było. Ničoha padobnaha nie adbyvałasia ni ŭ Stambule, ni, darečy, u Biełarusi ŭ pieršych troch turach.

Była zajaŭlenaja pazicyja Rasii — jana nieadekvatnaja, jašče raz padkreślivaju, jana całkam kareluje z tymi pazicyjami, jakija litaralna dniami ahučyŭ Pucin. Naturalna, nichto heta prymać tady nie chacieŭ i tym bolš nie choča ciapier.

I była pazicyja Ukrainy: davajcie vy vyjdziecie z terytoryi Ukrainy ŭ poŭnym abjomie (ja maju na ŭvazie, na momant pačatku poŭnamaštabnaha ŭvarvańnia) — a ŭsio, što tyčycca terytaryjalnych pytańniaŭ, my jakraz pieraniasiem u pieramoŭnuju hrupu, dzie ŭžo buduć udzielničać prezidenty. Majecca na ŭvazie i los Kryma, i los častki Daniecka i hetak dalej. Havaryli šmat, a vynik nulavy.

Naturalna, Ukraina nastojvała, što nijakaje vojska nichto raspuskać nie budzie, u miescy pastajannaj dysłakacyi nichto nikoha pieramiaščać nie budzie, skaračać uzbrojenyja siły my nie budziem. I ŭžo dakładna nie budziem admaŭlacca ad svajoj identyčnaści, tamu što my źjaŭlajemsia suvierennaj krainaj. Voś tak heta vyhladaje. I tamu voś hetyja publikacyi…

Hladzicie, adnačasovaja publikacyja niejkich dakumientaŭ, jakija nie źjaŭlajucca takimi, a źjaŭlajucca chaciełkami Rasii, i adnačasovaje vystupleńnie Pucina pavinny byli b usich padšturchnuć da dumki, što heta adna infarmacyjnaja prymityŭnaja apieracyja, nie bolš za toje. Nijakich dakumientaŭ napiaredadni padpisańnia nie było, nijakich damoŭlenaściaŭ z Rasijaj nie było.

I ŭžo sapraŭdy [nie mahło b być] paśla taho, što my ŭbačyli ŭ Kijeŭskaj vobłaści, u tym liku ŭ Bučy, u Irpieni, u Hastomieli. Navat zychodziačy z hienacydnaha kampanienta, jaki Rasija prademanstravała, my vydatna razumieli, što ŭvieś hety hienacydny kampanient całkam budzie prajaŭleny na ŭsioj akupavanaj terytoryi Ukrainy. Adpaviedna, nichto nie źbiraŭsia z Rasijaj ničoha padpisvać.

— Chto i čamu dadaŭ Biełaruś u hety dakumient?

— Pačatak pieramoŭ byŭ u Biełarusi. Biezumoŭna, Rasijskaja Fiederacyja nastojvała, kab i Biełaruś niejkim čynam zhadvałasia [u dakumientach] i hetak dalej. Ničoha inšaha. Znoŭ ža, heta ŭsio źjaŭlajecca tearetyčnymi chaciełkami rasijskaha boku, jakija da realnaści nijakaha dačynieńnia nie majuć i nie mieli.

Kamientary1

  • Kastuś
    18.06.2024
    hošpada, nu chto jeje tuda dodať? Avstralija čto li?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi14

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi

Usie naviny →
Usie naviny

Pavieł Libier prakamientavaŭ zajavu pra identyfikacyju siłavikami 1000 karystalnikaŭ dadatku «Novaja Biełaruś»

Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi32

Biełarusam mohuć zabaranić hulać u zamiežnych anłajn-kazino2

U Viciebskaj vobłaści karova naradziła ad zubra12

SK pachvaliŭsia, što identyfikavaŭ bolš za 1000 karystalnikaŭ prahramy «Novaja Biełaruś»4

BNTU: Vykładčyk, jaki ŭciakaŭ ad milicyi, pamior ad sardečnaha prystupu51

Dalar na tarhach apuściŭsia nižej za try rubli1

Prapała žonka eks-chakieista zbornaj Illi Kaznadzieja5

Jak pastupić u Jeŭrapiejski humanitarny ŭniviersitet u 2025 hodzie? Raskazvajem1

bolš čytanych navin
bolš łajkanych navin

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi14

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić