U Iłana Maska i top-mieniedžarki Neurolink Šyvan Zilis naradziłasia treciaje dzicia. Sa śpiavačkaj Hrajms, ź jakoj taksama troje dziaciej, jon spyniŭ adnosiny ŭ 2021 hodzie.
U Iłana Maska i top-mieniedžarki Neurolink Šyvan Zilis naradziłasia treciaje dzicia. Biznesoviec, jaki ličyć nizkuju naradžalnaść «adnoj z samych vialikich ryzyk cyvilizacyi», źjaŭlajecca baćkam 12 dziaciej, piša RBK sa spasyłkaj na Bloomberg Businessweek.
Pa słovach krynic, u pačatku hoda ŭ Maska i Šyvan Zilis, top-mieniedžarki Neurolink, kampanii biznesoŭca pa raspracoŭcy pieršaha ŭ śviecie małainvaziŭnaha niejračypa, naradziłasia treciaje ahulnaje dzicia. U 2021 hodzie jany stali baćkami dvajniat.
Śpiavačka Hrajms (sapraŭdnaje imia — Kłer Elis Buše), ź jakoj Mask sustrakaŭsia da 2021 hoda, naradziła traich dziaciej — synoŭ X Æ A-XII (čytajecca jak Eks Eš Ej-Tvełv) i Techna Miechanikusa i dačku Y.
Akramia taho, biznesoviec źjaŭlajecca baćkam dvajniatak Hryfina i Ksaŭjera i trajniatak Damijana, Saksona i Kaja ad pieršaj žonki — Džaścin Uiłsan.
Pieršyniec Maska, syn Nievada, pamior va ŭzroście 10 tydniaŭ ad sindromu raptoŭnaj dziciačaj śmierci.
Šyvan Zilis 38 hadoŭ. U 2015 hodzie jana trapiła ŭ rejtynh Forbes «30 da 30» u katehoryi vienčurnaha kapitału. Z Maskam Zilis paznajomiłasia ŭ čas supracoŭnictva sa startapam OpenAI u halinie štučnaha intelektu, paśla čaho niekatory čas pracavała ŭ Tesla.
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj16
Kamientary