Charvackaja madel Ivana Knoł stała viadomaja paśla futbolnaha čempijanatu śvietu — 2022. Dziaŭčyna apranała na matčy ŭ musulmanskim Katary jarkaje i adkrytaje adzieńnie ŭ kolerach Charvatyi, čym pryvablivała adnych i šakavała inšych. Što ciapier z bałkanskaj krasuniaj?
Zbornaja Charvatyi trapiła ŭ hrupavy etap čempijanatu Jeŭropy pa futbole, jaki prachodzić ciapier u Hiermanii. Ivana, jak i na minułym top-turniry, vyrašyła nie hublać mahčymaść pazaŭzieć za svaich i zaadno pakazać siabie. Ciapier dziaŭčyna ŭ Hiermanii, i jana ŭžo znoŭ trapiła ŭ zahałoŭki navin.
Usio pačałosia pierad pieršym matčam zbornaj Charvatyi na turniry. Heta była hulnia ź Ispanijaj, i ispancy nanieśli bałkancam mocnuju parazu — 3:0. Pierad hulnioj Ivana dała intervju niamieckamu resursu MagentaTV, a paśla hutarki nakinułasia na žurnalistku vydańnia Łaŭru Vantora.
Charvatka raskrytykavała ŭ sacsietkach źniešnaść Vantory. Jana napisała: «Darahaja Łaŭra, kali b ja tak vyhladała, ja b zaŭsiody nasiła tolki zimniaje adzieńnie». Taksama Knoł nazvała MagentaTV nieprafiesijnym vydańniem i paprasiła ich bolš nikoli nie źviartacca da jaje z zapytami pra intervju. Paźniej Ivana patłumačyła žurnalistam, što čuła, byccam Vantora i jaje kaleha drenna vykazvalisia pra jaje ŭ efiry.
Niepryjemny epizod nie adbiŭ u charvatki žadańnie zaŭzieć za svaich, chacia Charvatyja pakul što i znachodzicca na apošnim miescy ŭ svajoj hrupie. Mahčyma, hulnia charvataŭ ź italjancami ŭviečary 24 červienia dapamoža vypravić situacyju, tym bolš što ŭ bałkancaŭ budzie haračaja padtrymka ad Ivany.
Ale i ŭ čas pamiž matčami jana nie siadzić biez spravy. Dziaŭčyna papracavała dydžejkaj (jaje druhaja prafiesija) u Hamburhu i praviała bahata času siarod inšych fanataŭ na Jeŭra. Paśpiavaje jana i davać intervju roznym miedyja — skandałaŭ, jak u vypadku z MagentaTV, pakul nie było.
«Naša Niva» — bastyjon biełaruščyny
PADTRYMAĆBaćki hetaha 21-hadovaha forvarda zbornaj Ispanii pieški pierajšli Sacharu, kab vyratavacca ad vajny
«Jon nienajedny». U čym sakret maładoha hałkipiera, dziakujučy jakomu zbornaja Hruzii ŭziała svajo pieršaje ačko na top-turniry?
Pieršy hoł na Jeŭra zabiŭ samy pierśpiektyŭny niemiec — Fłaryjan Virc. «Reał» padumvaje kupić jaho za 150 miljonaŭ jeŭra
Kamientary