U siecivie raspaŭsiudžvajucca videa, na jakich bačnyja siłaviki z aŭtamatami na vulicach.
Paviedamlajecca, što nibyta ŭsio pačałosia z taho, što nieviadomyja adkryli ahoń pa supracoŭniku patrulna-pastavoj słužby ŭ Machačkale. Nibyta daišniki spynili mašynu za pieravyšeńnie chutkaści i vyjavili ŭ joj zbroju. Paśla taho ŭładalnik zbroi adkryŭ pa palicejskich ahoń i pasprabavaŭ źbiehčy.
Pavodle papiaredniaj infarmacyi, paciarpiełych niama. U horadzie abviaścili płan «Pierachop», šukajuć dvuch uzbrojenych ludziej na čornaj mašynie «Pryjora».
U administracyi Machačkały paviedamili, što ŭ rajonie vulic Mahamieda Hadžyjeva i Karkmasava siłaviki «pravodziać mierapryjemstvy i papiaredžvajuć nasielnictva ab nieabchodnaści pakinuć hetuju terytoryju».
Raniej, u hetu niadzielu, prynamsi 20 čałaviek, u tym liku 17 siłavikoŭ, zahinuli ŭ vyniku napadu na pravasłaŭnyja chramy, sinahohi i post DPS u dahiestanskich Derbiencie i Machačkale.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary