U Dahiestanie zastrelili palicejskich i pierarezali horła pravasłaŭnamu śviataru
Na poŭdni Rasii nieviadomyja napali na pasty palicyi, pravasłaŭny chram i sinahohu.
Zdaryłasia heta ŭ horadzie Derbiencie, paviedamlaje ŭpraŭleńnie MUS pa Dahiestanie.
Pavodle papiarednich źviestak, pry napadzie na carkvu ŭ Derbiencie zabityja śviatar i achoŭnik carkvy.
«Pa infarmacyi, jakaja pastupiła mnie, ajca Mikałaja ŭ carkvie ŭ Derbiencie zabili, pierarezali horła. 66 hadoŭ jamu było, vielmi chvareŭ. Achoŭnika Michaiła ŭ carkvie Machačkały, uzbrojenaha tolki hazavym pistaletam, rasstralali. Śviatary zamknulisia ŭ carkvie, čakajuć dapamohi», — napisaŭ u telehram-kanale kiraŭnik hramadskaj naziralnaj kamisii Dahiestana Šamil Chadułajeŭ.
Pa danych MUS Dahiestana, u chodzie ŭzbrojenaha napadu na Derbient i Machačkału zahinuli 8 supracoŭnikaŭ palicyi i 23 atrymali ranieńni. Złačyncy napadali na cerkvy i sinahohi i raspraŭlalisia z palicyjantami.
MUS Dahiestana paviedamiła, što čaćviora bajevikoŭ zabityja ŭ Machačkale.
U Machačkale idzie boj z bajevikami, jakija zasieli ŭ carkvie.
U rehijonie ŭviali režym kontrterarystyčnaj apieracyi. U Derbiencie vystaŭleny błokpasty. Miascovyja telehram-kanały paviedamlajuć, što adna z hrup napadnikaŭ zabarykadavałasia ŭ budynku na terytoryi horada.
Kiraŭnika Sierhakalinskaha rajona Dahiestana Mahamieda Amarava dastavili ŭ palicejski ŭčastak, paśla taho jak jaho syny Asman i Adyłaŭ apynulisia siarod bajevikoŭ, jakija ŭdzielničali ŭ bajach u Dahiestanie, piša kanał «VČK-OHPU». Ich zabili.
Pa šlachu mašynu, u jakoj byŭ Amaraŭ, abstralali. Ciapier u Sierhakale idzie boj.
Minimum šeść bajevikoŭ byli zabityja ŭ Dahiestanie pad čas kontrterarystyčnaj apieracyi, piša ahienctva RIA Naviny sa spasyłkaj na siłavyja struktury.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
🥸