«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary
«Nas miljony», — kaža Natalla Ejsmant.
Viadoŭcy prahramy «Skažyniemaŭčy» pacikavilisia ŭ Natalli Ejsmant, ci možna ŭsprymać zajavu Łukašenki, jak namier uziać udzieł u nastupnaj vybarčaj kampanii. «A jana ŭžo prahučała?» — uśmichnułasia Natalla Ejsmant.
«Niekatoryja vydańni interpretujuć, što jana prahučała. Inšyja vydańni tak nie interpretujuć. Tamu pytajemsia asabista ŭ vas», — adkazali viadoŭcy.
U lutym Alaksandr Łukašenka zajaviŭ: «Pajdu, pajdu, pajdu. Pieradajcie im, što pajdu! I čym składaniej budzie abstanoŭka, čym bolš aktyŭna jany buduć budaražyć naša hramadstva i vas u tym liku (dla mianie, paviercie, heta vielmi važna — nivodny čałaviek, adkazny prezident nie kinie svaich ludziej, jakija za im išli ŭ boj), čym jany buduć bolš napružvać vas, mianie i hramadstva, tym chutčej ja pajdu na hetyja vybary. Vy nie chvalujciesia, my zrobim tak, jak heta treba dla Biełarusi», — zajaviŭ jon.
Natalla Ejsmant patłumačyła, što mnohija paśla hetaha, mahčyma, stali vydavać žadanaje za sapraŭdnaje.
«Ja na hetaje pytańnie adkažu tak: my vielmi hetaha chočam. Bolš za toje, skažu navat dzieści rezka, my nastojvajem, kab było tak. My — heta ŭ šyrokim sensie hetaha słova. Heta, viadoma, nie tolki tyja, chto pracuje z Łukašenkam, nie tolki vy ŭsie, žurnalisty, usie našy ludzi.
Nas miljony, heta praŭda. My nastojvajem. Ale rašeńnie, naturalna, za prezidentam. I jon, jak heta zaŭsiody ŭ nas byvaje, u patrebny momant, kali heta rašeńnie prymie i kali paličyć patrebnym, sam pra heta skaža», — skazała pres-sakratar.
10 lipienia 2024 hoda budzie roŭna 30 hadoŭ, jak Łukašenku abrali prezidentam (20 lipienia 1994 hoda jon ustupiŭ na pasadu). U 2025 hodzie buduć siomyja dla jaho vybary
Ejsmant adreahavała na publikacyi pra svaju majomaść: My ŭ ich vyjhrali b luby sud
Natalla Ejsmant sabrałasia pisać knihu: My pavinny pakinuć praŭdu, bo našy vorahi taksama napišuć
Čamu Łukašenka stolki hadoŭ trymaje pres-sakratarkaj Natallu Ejsmant?
Pres-sakratarka Łukašenki nosić hadzińnik za 20 tysiač jeŭra
Prapahanda sprabuje admyć Natallu Ejsmant: kažuć, što jaje «Roleks» kaštuje $100
Jakija haziety Ejsmant daje čytać Łukašenku
Ciapier čytajuć
Kamientary