Čamu Łukašenka stolki hadoŭ trymaje pres-sakratarkaj Natallu Ejsmant?
I ci bližej jana da jaho za Kačanavu? Pra heta palitołah Juryj Drakachrust razvažaje ŭ novym vypusku TOKu.
Na pytańnie, čamu Łukašenka šmat hadoŭ nie mianiaje Natallu Ejsmant na pasadzie pres-sakratarki, Juryj Drukachrust zaŭvažyŭ, što jana choć i adyhryvaje važnuju rolu ŭ atačeńni Łukašenki, ale nie ŭpłyvaje na pryniaćcie samych važnych rašeńniaŭ.
Łukašenka, vidać, ličyć, što jana pracuje davoli efiektyŭna, «jana ničoha nie zavaliła», zaŭvažaje palitołah.
Drakachrust adznačaje, što Ejsmant maje dačynieńnie da kiravańnia «miedyjnaj mašynaj», daje «kankretnyja rasparadžeńni na ŚMI», a nie prosta absłuhoŭvaje infarmacyjnyja patreby Łukašenki.
Kali ž razvažać pra toje, chto bližej da Łukašenki — Kačanava ci Ejsmant, — to na pohlad Drakachrusta, u sensie funkcyjanalnych abaviazkaŭ bližejšaja Ejsmant, ale Kačanava — adzin sa staŭpoŭ režymu.
«Dumaju, jana kožny dzień zachodzić u jaho kabiniet, pracuje ź im vielmi ščylna. Kačanava, napeŭna, nie. Ale Kačanava, biezumoŭna, bolš bujnaja fihura. Ejsmant nie maje navat šancaŭ stać prezidentam, a Kačanava moža».
Drakachrust pravodzić anałohiju z atačeńniem Stalina. «Bližej za ŭsich da Stalina byŭ Paskrobyšaŭ — daradca, pamočnik, praź jakoha išoŭ uvieś dakumientazvarot. Ale staŭpami režymu byli Bieryja, Malankoŭ, Chruščoŭ.
U hetym sensie taja ž Ejsmant heta chutčej Paskrobyšaŭ — asabisty sakratar, jaki pracuje pobač. A taja ž Kačanava, Hałoŭčanka, siłaviki, heta ŭsio ž taki staŭpy režymu, jakija nie tak užo kožny dzień da jaho biehajuć. Dumaju, što Kačanava — adna z samych blizkich u sensie staŭpa».
Hladzicie całkam:
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
Naprykład, kuryravaŭ žorstki razhon pratestaŭ biełarusaŭ u 2020m hodzie rasiejski fsbšnik Patrušaŭ (Patrušiev), jaki rehularna prylataŭ u tyja dni ŭ Minsk dla kantrolu za pracesam.