Paśla papiaredžańnia ad Kitaja kolkaść mihrantaŭ na polskim kirunku skaraciłasia ŭ razy — HRAFIK
Jak paviedamlaje polskaja pamiežnaja słužba, kolkaść mihrantaŭ, što praciahvajuć sproby nielehalna trapić u Polšču, mocna skaraciłasia. Za minułyja sutki było ŭsiaho 20 takich sprob.
Polskija pamiežniki adznačajuć źmianšeńnie kolkaści atak mihrantaŭ na miažy. 1 lipienia na polskaj miažy adbyłosia 20 sprob nielehalna trapić u ES. Dla paraŭnańnia 26 červienia było zafiksavana 150 sprob mihrantaŭ prarvacca praź miažu, 25 červienia — 100 sprob, 24 červienia — 80.
Na litoŭskaj miažy za minułyja sutki takich sprob naohuł nie było, na łatvijskaj miažy — 47 atak mihrantaŭ.
Telehram-kanał «Što dumajuć biełarusy» apublikavaŭ hrafik, jak źmienšyŭsia patok mihrantaŭ na miežach ź Biełaruśsiu. Dla paraŭnańnia, u siaredzinie maja było amal 2000 sprobaŭ praryvu za tydzień.
Prezident Polščy Andžej Duda z 22 pa 26 červienia znachodziŭsia ź vizitam u Kitai. Tam jon, siarod inšaha, abmierkavaŭ sa staršyniom KNR Si Czińpiniem mihracyjny kryzis na miažy ź Biełaruśsiu i raskazaŭ pra hibiel polskaha žaŭniera paśla ataki mihranta. Andžej Duda papiaredziŭ kiraŭnika KNR Si Czińpina pra abvastreńnie situacyi na biełaruskaj miažy, mahčymym pierakryćci jaje i mahčymych nastupstvach hetaha dla kitajskaj łahistyki tavaraŭ.
U adkaz upieršyniu z momantu kryzisu na miažy Biełarusi z susiedziami Kitaj aficyjna prakamientavaŭ situacyju.
Z ulikam taho, što Piekin imkniecca nie ŭmiešvacca ŭ kanflikty, jakija adbyvajucca ŭ śviecie, hetuju zajavu možna razhladać jak surjozny sihnał niezadavolenaści pazicyjaj biełaruskich uładaŭ, ličyć palitołah Valeryj Karbalevič.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary