Biełaruś pačała pastaŭlać u Rasiju svaje viny z nazvami, jak u jeŭrapiejskich. Heta reekspart ci padrobka?
Niekalki rasijskich kampanij atrymali prava na impart ałkaholu vytvorčaści Minskaha zavoda vinahradnych vinaŭ. Tak, rasijskim kampanijam dazvolili ŭvozić viny «Hruner Vieltłtnier» i «Ryślinh», adno pienistaje — «Hlera Spumante Ekstra Draj». Jašče adzin imparcior atrymaŭ prava na ŭvoz vina Airen Tres Amigos ad minskaha zavoda, piša «Kommiersant'».
Cikava, što nazvy hetych biełaruskich vinaŭ vielmi padobnyja na jeŭrapiejskija brendy. Naprykład, Glera Spumante Extra Dry ad italjanskaj vinarobni Villa degli Olmi abo Tres Amigos ad ispanskich Garcia Carrion i DCOOP. Ryślinh i hruner vieltlinier — heta nazvy sartoŭ vinahradu, najbolš raspaŭsiudžanych u jeŭrapiejskich krainach.
Na rasijskim rynku spračajucca — zajmajecca minski zavod reekspartam zachodniaha vina ci padrablaje jeŭrapiejskija marki, kab uvieści spažyŭca ŭ zman. Adnyja ličać, što takim čynam na rasijski rynak moža traplać jeŭrapiejskaje vino. Inšyja śćviardžajuć, što taki reekspart ekanamična niavyhadny.
Rasijskija ŭłady sa žniŭnia źbirajucca padniać myty na ŭvoz vinaŭ ź niedružalubnych krain z 20% da 25%.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary