Kryty łyžny kompleks płanavali pabudavać la Śvisłačy, u rajonie vuł. Arłoŭskaj niedaloka ad budynka Viarchoŭnaha suda.
Ale inviestar nie spraviŭsia z prajektam, pišuć Minsk-naviny.
Łyžnaha centra, dzie možna było b katacca kruhły hod, u Biełarusi niama. Tamu jašče ŭ listapadzie 2021 hoda haradskija ŭłady achvotna vydzielili inviestaru ziamielny ŭčastak pad hety prajekt.
Pa prajekcie płanavałasia pabudavać krytuju łyžnuju trasu daŭžynioj 1,35 km, trasu dla snoŭborda i ladovy katok. Adnak inviestar tak i nie zmoh pačać budaŭnictva ŭ naležny termin, tamu ŭ vyniku placoŭku ŭ jaho zabrali.
«Terytoryja łyžnaha kompleksu ŭvajšła ŭ skład novaj zialonaj zony i budzie asvojvacca pad heta pryznačeńnie. Budaŭnictva spartyŭnaha abjekta tam nie płanujecca», — prakamientavaŭ staršynia Kamiteta architektury i horadabudaŭnictva Minharvykankama Viktar Hućko.
Ciapier čytajuć
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy30
Kamientary