Hramadstva88

Milinkievič pra atručańnie ŭ studyi BT: Nie sumniajusia, što Domašu dali jaki-niebudź «Navičok»

U novym vypusku TOKu Alaksandr Milinkievič zhadaŭ zahadkavyja abstaviny paharšeńnia zdaroŭja svajho pretendenta na vybarach-2001 Siamiona Domaša, u jakim bačyli realnaha kankurenta Łukašenku.

Siamion Domaš byŭ adnym z patencyjnych kandydataŭ ad apazicyi na vybarach 2001 hoda

Milinkievič zhadvaje, što mienavita Siamion Domaš zaprasiŭ jaho ŭ palityku, kali ŭ 1990-m hodzie staŭ meram Hrodna:

«Jon prapanavaŭ stać namieśnikam. Ja nie chacieŭ. Skazaŭ, što nie ŭmieju pravodzić płaniorki. Domaš adkazaŭ, što heta nie važna, jon usiamu navučyć. «Nam patrebny demakrat u hrodzienskim uradzie». Heta fraza, jakaja kaža pra čałavieka».

Zhadvajučy padziei 2001 hoda, Milinkievič adznačaje:

«Kali b jon staŭ adzinym kandydatam, heta byŭ by samy realny kandydat na vyjhryš u Łukašenki. Machlarstva [na vybarach] jašče było mała. A ŭ Domaša była padtrymka rehijanalnych supolnaściaŭ. My mieli štaby ŭ amal sta haradach».

Ale, jak zaŭvažaje Milinkievič, «nie sumlenna spracavała schiema», i adzinym kandydatam byŭ abrany kiraŭnik Fiederacyi prafsajuzaŭ Uładzimir Hančaryk.

U čas pieradvybarčaŭ kampanii ź Siamionam Domašam adbyŭsia dziŭny vypadak. Kandydat pryjšoŭ na telebačańnie dla zapisu zvarotu, a paśla jamu stała drenna. Chadzili čutki, što Domaša sprabavali atrucić. Zhadvajučy hety vypadak, Milinkievič skazaŭ:

«Ja siońnia nie sumniavajusia, što Domašu dali jaki-niebudź «Navičok».

Watch on TikTok

Tamu što cełyja instytuty jość u Rasii, dzie raspracoŭvajuć rečyvy, jakija kali vypješ, to ŭ ciabie imhnienna infarkt. A ślady hetaha infarktu mienš čym za sutki źnikajuć.

Jon pajšoŭ na telebačańnie. Jamu prynieśli vadu. Pryčym nie aficyjantka, a šef telebačańnia. Domaš vypiŭ, a viečaram paśla zapisu jamu stała absalutna drenna z sercam.

My nie ryzykavali jaho lačyć u Biełarusi, sieli ŭ mašynu i pavieźli ŭ Krakaŭ. Prafiesar, jaki rabiŭ paśpiachovuju apieracyju, skazaŭ, što heta nie naturalny infarkt pry takim stanie zdaroŭja. U Domaša cisk 120 na 80 zaŭsiody byŭ. Jon pastajanna zajmaŭsia fizkulturaj, sportam.

Ja ŭpeŭnieny, što jamu dali niešta. Čamu? Jon moh stać lidaram abjadnanaj apazicyi paśla vybaraŭ 2001 hoda. I heta byŭ by zusim inšy apazicyjny łandšaft».

Milinkievič zaŭvažyŭ, što Domaš byŭ złamany situacyjaj 2001 hoda.

«Jon razumieŭ, što adbyłasia niespraviadlivaja reč. Nie tak, jak damaŭlalisia. My jaho ŭhavaryli zastacca ŭ palitycy. U nas była «Hrodzienskaja inicyjatyva», a potym abjadnańnie «Rehijanalnaja Biełaruś». Ale ŭ jaho impet značna asłab. Jon pajšoŭ i staŭ dyrektaram zavoda i bolš palitykaj nie zajmaŭsia».

Siamion Domaš pamior ranicaj 9 lutaha 2019 hoda za rulom svajoj mašyny ŭ Hrodnie.

Hladzicie całkam:

Kamientary8

  • Pišy miemuary
    07.07.2024
    Naiŭny jak valonak vaš dziemakrat
  • Dziadusia
    07.07.2024
    U dźvie tysiačy pieršym źbiraŭ za Domaša podpisy. Potym jon niejak źnianacku źliŭsia, pra atručeńnie ja nie viedaŭ. A voś jano što na samaj spravie było.
  • WTF
    07.07.2024
    "sumniajusia" - heta ad słova "sumnia"? ci "sum"?
    sumniavacca niezak.
    sumniavajusia, sumniavaješsia, sumniavajecca, sumniavajemsia, sumniavajeciesia, sumniavajucca; sumniavajsia, sumniavajciesia; sumniavaŭsia, sumniavałasia, sumniavalisia; sumniavajučysia
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Usie naviny →
Usie naviny

Jakija karysnyja vykapni jość va Ukrainie?2

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam43

Kampanija A1 zapuściła svajo taksi. Dzie ciapier tańniej?2

Litva i Polšča zdahnali Izrail pa VUP na dušu nasielnictva12

U Danii aŭtamabil urezaŭsia ŭ natoŭp ludziej — paciarpieli minimum 11 čałaviek1

Napali i paranili ŭkrainskaha błohiera Siarhieja Ściarnienku34

Azaraŭ: Dumaju, Mielnikava pajechała adpačyvać na Kubu37

Reanimatołah Martaŭ raskazaŭ, jak vyratavaŭ žančynu z čatyrma skraznymi ranieńniami serca5

«Absalutny chaos». Kamała Charys raskrytykavała Trampa ŭ pieršaj pramovie paśla parazy na vybarach8

bolš čytanych navin
bolš łajkanych navin

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Hałoŭnaje
Usie naviny →

Zaŭvaha:

 

 

 

 

Zakryć Paviedamić