Hramadstva9797

Milinkievič: Kiepska, što Cichanoŭskaja nie razumieła, čyj Krym. Ale jana prajšła evalucyju

Svaim mierkavańniem adnosna lidarki biełaruskaj demakratyčnaj apazicyi Alaksandr Milinkievič padzialiŭsia ŭ novym vypusku TOKu.

Fota: Ofis Cichanoŭskaja

U razmovie Milinkieviču nahadali, što jon nazvaŭ adnoj z asnoŭnych pamyłak Śviatłany Cichanoŭskaj toje, što jana nie adrazu zajaviła, što Krym — ukrainski, i paprasili patłumačyć, što, na jaho mierkavańnie, Śviatłana Cichanoŭskaja rabiła nie tak, jak jaje papiaredniki.

«Ja nie zakidvaju joj heta jak pamyłku. Ja liču, što jana, jak dumała, tak i havaryła. Tak dumała i bolšaść biełarusaŭ. (…) Jana havaryła naturalna. Jana bajałasia skazać pra Krym, tamu što bolšaść biełarusaŭ nie viedali, što Krym žalezna ŭkrainski», — patłumačyŭ Milinkievič i dadaŭ:

«Ja skažu ŭvohule kramolnuju dumku. Kali b tady na čale hetaha fantastyčnaha, pryhožaha pratestu, jaki niečakana naradziŭ biełaruskuju nacyju, byŭ demakrat staroj hvardyi, umoŭny ja ci inšy, my b nie abjadnali tak ludziej, jak Cichanoŭskaja».

Milinkievič prapanavaŭ zhadać, što ludzi tłumačyli svajo žadańnie hałasavać za Cichanoŭskuju tym, što «jana takaja, jak my».

«Jana była ŭ trendzie ahulnaj palityčnaj pazicyi ludziej. Heta kiepska, što jana nie razumieła [čyj Krym], ale dobra ŭ sensie abjadnańnia», — adznačyŭ palityk.

@tokbelarus Ci chočuć biełarusy ŭ Jeŭropu? Adkazvaje Alaksandr Milinkievič #ekonomika #politika #objaśnienije #ievrosojuz #činovniki #biełaruś ♬ stellar (Slowed + Reverb) - .diedlonely & énouement

Milinkievič ličyć, što Śviatłana Cichanoŭskaja jak asoba i palityk prajšła «fantastyčnuju evalucyju».

«Jana ŭmieje vučycca. Jana navučyłasia. Siońnia heta zusim inšy čałaviek. I pa-inšamu dumaje i havoryć. Ale jana prajšła hety čas razam z bolšaściu ludziej. I bolšaść ciapier razumieje, što Maskva nie takaja charošaja. (…) Ludzi razumniejuć, i jana taksama vučycca», —

adznačaje palityk i dadaje, što jon nie adrazu heta zrazumieŭ, jamu chaciełasia, kab Cichanoŭskaja «adrazu była takaja, jak my. Heta ž tak prosta pra Krym skazać ci pra rasijskuju impierskaść».

«Ale jana prajšła [evalucyju] i ŭpieršyniu biełarusy majuć lehitymnaha čałavieka, jaki maje prava havaryć ad imia ŭsich biełarusaŭ. U nas takoha nikoli nie było.

Adzinym čałaviekam, jaki mieŭ prava havaryć ad imia ŭsich biełarusaŭ, byŭ Łukašenka. Jon vyjhraŭ vybary tady [u 1994 hodzie]. Jon staŭ dyktataram absalutnym. Pabudavaŭ tatalitarnaje hramadstva. I kaža, što jon stalinist. Jon im i jość. Voś jon tudy pajšoŭ. A narod tudy nie pajšoŭ.

A jana pajšła ŭ demakratyju, i siońnia jana sapraŭdny, dastojny, hodny lidar. Ja dumaju, nam paščaściła, što historyja nam dała hety šanc».

Hladzicie całkam:

Kamientary97

  • EMIL
    07.07.2024
    Čto niesiot etot starik? Vidimo, jemu chorošo zapłatili!
  • Płošča
    07.07.2024
    Adzin źbity lotčyk kamentuje druhuju!
    I jakich vynikaŭ my chočam čakać, kali nam uciuchvajuć tolki niaŭdačnikaŭ praz hetyja ŚMI?
  • .
    07.07.2024
    Redakcyja: Dziakuj za zaŭvahu

Ciapier čytajuć

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond1

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond

Usie naviny →
Usie naviny

Bojfrend Aryny Sabalenki staŭ saŭładalnikam francuzskaha futbolnaha kłuba2

Šaścihadovy syn hałkipiera «Bavaryi» pamior paśla praciahłaj chvaroby

Palitviazień raskazaŭ, jak zvyčajnyja kryminalniki abjavili haładoŭku, kab palepšyć umovy ŭtrymańnia palityčnych5

Dadaŭ cyjanid u prateinavy napoj. Stamatołah atruciŭ žonku, a zatym sprabavaŭ zabić śledčaha3

Masiravanaja ataka BPŁA na Rasiju: pažary na naftazavodach, radyjozavodzie i vybuchi kala vajskovaha aeradroma6

Rasijanie vybrali, jaki pomnik budzie pastaŭleny ŭ Homieli31

Štučny intelekt moža pryvieści da vymirańnia čałaviectva, papiaredžvajuć ekśpierty14

Papularny błohier Pan Usialan druhi raz staŭ tatam14

Rasijskija turysty znajšli na plažy ŭ Tajłandzie vanity kašałota. Jany kaštujuć šalonyja hrošy1

bolš čytanych navin
bolš łajkanych navin

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond1

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond

Hałoŭnaje
Usie naviny →

Zaŭvaha:

 

 

 

 

Zakryć Paviedamić