U Minsku stvorać park na ziamli, vyviezienaj z budaŭnictva mietro
U Maskoŭskim rajonie Minska na vulicy Hromava ŭ hetym hodzie pačnuć rabić novuju zonu adpačynku. Dla hetaha vykarystoŭvajuć hrunt, vyniaty pry budaŭnictvie novaj linii mietro, paviedamiła «Minsk-Navinam» kiraŭnica rajonnaj administracyi Taćciana Kaladka.
Hrunt vyviezuć na placoŭku ŭ miežach vuł. Hromava — Jasienina — Słabadski prajezd — vuł. Słabadskaja paśla taho, jak pačniecca zapusk tuneleprachodnaha kompleksu «Alesia».
Kali jar, jaki tam jość ciapier, vyraŭniajuć, u hetym miescy pačnuć budavać skvier sa skiejt– i varkaŭtplacoŭkaj i vieła— dy tancavalnaj vuličnaj zonaj. Zimoj ža tam płanujuć uładkavać łyžnuju trasu.
Prajekt budaŭnictva ŭžo ŭzhodnieny, jahonaja ekśpiertyza zaviaršajecca. Chutka pačniecca ŭźviadzieńnie inžyniernych kamunikacyj, a potym płošču buduć zasypać ziamloj.
U vyniku, jak płanujecca, budzie stvorany niezvyčajny reljef u vyhladzie nasypnych pahorkaŭ. Darečy, tamu i ŭvieś park budzie nazyvacca «Muravickija pahorki».
Nazva ŭźnikła ad taho, što, jak śćviardžaje Taćciana Kaladka, kaliści ŭ hetym rajonie byŭ les, dzie pracavaŭ laśničy Muravicki, «pra dobryja spravy jakoha składali lehiendy».
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos8
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4848
Kamientary