Niekatoryja atrakcyjony ŭ staličnych parkach časova prypyniajuć pracu
Kolki arelaŭ projduć dadatkovuju pravierku ŭ suviazi z nadzvyčajnym zdareńniem 6 lipienia ŭ parku Čaluskincaŭ. Pra heta Minsk-navinam raskazaŭ namieśnik hiendyrektara, hałoŭny inžynier «Minskzielanbuda» Rusłan Kasievič.
Šerah atrakcyjonaŭ — siarod ich «Katalnaja hara», «Kalipso», «Mini-džet», «Sabački» (u parku Horkaha) — časova prypyniać svaju pracu, — rastłumačyŭ R.Kasievič. — Paŭza zojmie prykładna tydzień. Dadatkovuju pravierku taksama projduć usie miechanizavanyja atrakcyjony, jakija adpracavali pryznačany termin (areli starejšyja za 10 hadoŭ).
Pa miedycynskuju dapamohu źviarnulisia troje čałaviek, — udakładniŭ R.Kasievič. — Pa vynikach abśledavańnia ŭ adnaho dziciaci dyjahnastavana zakrytaja čerapna-mazhavaja traŭma lohkaj stupieni, u dvaich — dziciaci i maci — udary siaredniaj stupieni ciažkaści.
Ekspłuatacyja atrakcyjonu, na jakim adbyłosia zdareńnie, prypynienaja minimum na 15 rabočych dzion, jakija zajmaje techničnaje rasśledavańnie.
— Što tyčycca identyčnaha atrakcyjonu ŭ parku Horkaha, to jon naležyć pryvatnaj asobie; dumaju, dziaržpramnahlad časova zabaronić ekspłuatacyju da vyśviatleńnia pryčyn, — vykazaŭ mierkavańnie R.Kasievič.
Šerah atrakcyjonaŭ u parkach Minska znachodzicca na bałansie «Minskzielanbuda». Niekatoryja naležać pryvatnikam: ich paradku 30% ad ahulnaj kolkaści arelaŭ u parku Čaluskincaŭ, anałahična ŭ parku Horkaha.
«Źbieh abstavinaŭ». Avaryjny atrakcyjon u parku Čaluskincaŭ abśledavali 25 krasavika
Čynoŭnik patłumačyŭ, što zdaryłasia z atrakcyjonam u parku Čaluskincaŭ, adkul sarvalisia ludzi
«Dzicia jechała z traŭmaj chrybta, a nie sa spałocham». Padrabiaznaści zdareńnia z atrakcyjonam u parku Čaluskincaŭ
U parku Čaluskincaŭ na atrakcyjonie adarvalisia trosy — paciarpieli ludzi, na miescy było šmat chutkich
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary