YouTube u Rasii mohuć zabłakavać u vieraśni, pišuć ŚMI. U Kramli nazyvajuć heta niapraŭdaj
Karystalnikaŭ užo papiaredžvajuć pra mahčymyja zboi ŭ pracy YouTube u Rasii. Što viadoma?
Rasijskija ŚMI śćviardžajuć, što YouTube u Rasii płanujuć kančatkova zabłakavać u vieraśni.
Tak, try krynicy Brief kažuć ab tym, što błakiroŭka YouTube u Rasii źjaŭlajecca realnym scenarom.
Błakavańnie, pa ich infarmacyi, budzie adbyvacca praź piesimizacyju, heta značyć, zapavoleńnie kantentu, što pryviadzie da naturalnaha adtoku hledačoŭ. Adzin z surazmoŭcaŭ udakładniaje, što hetaje pytańnie abmiarkoŭvajecca ŭžo dva hady, ale ŭłady spyniała adsutnaść faktyčnych alternatyŭ, bo Rutube i UKantakcie nie mohuć pakul pradastavić videachostynh anałahičnaj jakaści, a taksama toje, što palityčny kantent u ruskamoŭnym YouTube zajmaje mienš za 10% ad ahulnaj kolkaści karystalnikaŭ.
Pa słovach krynicy «Mieduzy» na rynku telekamunikacyj, u Rasii z 11 lipienia metanakiravana pačali zapavolvać pracu videachostynhu.
Akurat siońnia «Rastelekam» papiaredziŭ rasijanaŭ ab mahčymych zbojach u pracy jutuba «z-za techničnych prablem u pracy abstalavańnia Google». Majecca na ŭvazie abstalavańnie, jakoje vykarystoŭvajecca dla kešavańnia i paskareńnia zahruzki kantentu servisaŭ kampanii.
Dyrektar Tavarystva abarony internetu Michaił Klimaraŭ taksama źviazaŭ mahčymaje zapavoleńnie pracy jutuba sa znosam abstalavańnia Google Global Cache.
U Kramli razam z tym zajavili, što ŭłady nie płanujuć abmiažoŭvać dostup da YouTube. Pra heta pres-sakratar prezidenta Rasii Dźmitryj Piaskoŭ skazaŭ na bryfinhu dla žurnalistaŭ.
«Nie, takich płanaŭ nie było. My viedajem z aficyjnych zajaŭ našych adpaviednych kampanij, što havorka idzie ab prablemie z abstalavańniem, jakoje ŭžo bolš za dva hady nijak nie abnaŭlajecca. Inšych tłumačeńniaŭ tut być nie moža», — zajaviŭ Piaskoŭ.
Ciapier čytajuć
Łukašenka patłumačyŭ, čamu jaho nie vidać pa sieradach i subotach11
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary